سید_الاولیا کی چادر ہے

سید الاولیا کی چادر ہے

ہند کے رہنما کی چادر ہے

رکھو سر پہ لگاؤ آنکھوں سے

خواجۂ دوسرا کی چادر ہے

کیوں نہ حوریں نثار ہوں اس پر

یہ میرے دل ربا کی چادر ہے

اس پہ ہے ظل خواجۂ عثمان

یہ حبیب خدا کی چادر ہے

جس نے چھاگل میں بھر لیا ساگر

اسی بحر سخا کی چادر ہے

پنجتن پاک جلوہ فرما ہیں

گل آل عبا کی چادر ہے

صندل و عطر و گل مہکتے ہیں

میرے رنگیں ادا کی چادر ہے

دھوم ہے رنگ ہے زمانے میں

کل کے مشکل کشا کی چادر ہے

چڑھ رہی ہے رسولؐ کی رینی

رنگ والے خدا کی چادر ہے

جو تجھے مانگنا ہو مانگ اکبرؔ

تیرے حاجت روا کی چادر ہے