mizaj-e-yar ka aalam kabhi kuchh hai kabhi kuchh hai

mizāj-e-yār kā a.alam kabhī kuchh hai kabhī kuchh hai

dil-e-majrūh kā marham kabhī kuchh hai kabhī kuchh hai

nirālī shaan hai har aan har pal mere dil-bar kī

misāl-e-sho.ala yā shabnam kabhī kuchh hai kabhī kuchh hai

koī samjhe to kyā samjhe koī jaane to kyā jaane

badaltā rañg hai paiham kabhī kuchh hai kabhī kuchh hai

asīr-e-gesū-e-pur-ḳham banā.e pahle āshiq ko

nikāle phir vo pech-o-ḳham kabhī kuchh hai kabhī kuchh hai

surūr-o-kaif kā naġhma ġham-o-andoh kā nauha

tilism-e-zīst kī sargam kabhī kuchh hai kabhī kuchh hai

baqā hāsil hai 'kāvish' bas jahāñ meñ zāt-e-murshid ko

ki ye duniyā-e-besh-o-kam kabhī kuchh hai kabhī kuchh hai

mizaj-e-yar ka aalam kabhi kuchh hai kabhi kuchh hai

dil-e-majruh ka marham kabhi kuchh hai kabhi kuchh hai

nirali shan hai har aan har pal mere dil-bar ki

misal-e-shoala ya shabnam kabhi kuchh hai kabhi kuchh hai

koi samjhe to kya samjhe koi jaane to kya jaane

badalta rang hai paiham kabhi kuchh hai kabhi kuchh hai

asir-e-gesu-e-pur-KHam banae pahle aashiq ko

nikale phir wo pech-o-KHam kabhi kuchh hai kabhi kuchh hai

surur-o-kaif ka naghma gham-o-andoh ka nauha

tilism-e-zist ki sargam kabhi kuchh hai kabhi kuchh hai

baqa hasil hai 'kawish' bas jahan mein zat-e-murshid ko

ki ye duniya-e-besh-o-kam kabhi kuchh hai kabhi kuchh hai