āankhoñ meñ murawwat tirī ai yar kahāñ hai

ā.ankhoñ meñ muravvat tirī ai yaar kahāñ hai

pūchhā na kabhū mujh ko vo bīmār kahāñ hai

nau ḳhat to hazāroñ haiñ gulistān-e-jahāñ meñ

hai saaf to yuuñ tujh sā numūdār kahāñ hai

ārām mujhe sāya-e-tūbā meñ nahīñ hai

batlāo ki vo sāya-e-dīvār kahāñ hai

laao to lahū aaj piyūñ duḳhtar-e-raz kā

ai muhtasibo dekho vo murdār kahāñ hai

furqat meñ us abrū kī galā kāTūñgā apnā

myaañ diijo use dam mirī talvār kahāñ hai

jin se ki ho marbūt vahī tum ko hai maimūn

insān kī sohbat tumheñ darkār kahāñ hai

dekhūñ jo tujhe ḳhvāb meñ maiñ ai mah-e-kan.āñ

aisā to mirā tāla-e-bedār kahāñ hai

sunte hī us āvāz kī kuchh ho ga.ī vahshat

dekho to vo zanjīr kī jhankār kahāñ hai

din chhīne vo jab dekhiyo ġhārat-garī us kī

tab sochiyo ḳhurshīd kī dastār kahāñ hai

us din ke huuñ sadqe ki tū khīñche hue talvār

ye pūchhtā aave vo gunahgār kahāñ hai

hañste to ho tum mujh pe va-lekin koī din ko

ro.o.ge ki vo merā giraftār kahāñ hai

ai ġham mujhe yaañ ahl-e-ta.ayyush ne hai gherā

is bhiiḌ meñ tū ai mire ġham-ḳhvār kahāñ hai

jab tak ki vo jhāñke thā idhar mahr se ham to

vāqif hī na the mahr par anvār kahāñ hai

us mah ke sarakte hī ye andher hai 'ehsāñ'

ma.alūm nahīñ raḳhna-e-dīvār kahāñ hai

āankhoñ meñ murawwat tirī ai yar kahāñ hai

pūchhā na kabhū mujh ko wo bīmār kahāñ hai

nau ḳhat to hazāroñ haiñ gulistān-e-jahāñ meñ

hai saf to yuñ tujh sā numūdār kahāñ hai

ārām mujhe sāya-e-tūbā meñ nahīñ hai

batlāo ki wo sāya-e-dīwār kahāñ hai

lao to lahū aaj piyūñ duḳhtar-e-raz kā

ai muhtasibo dekho wo murdār kahāñ hai

furqat meñ us abrū kī galā kāTūñgā apnā

myañ dijo use dam mirī talwār kahāñ hai

jin se ki ho marbūt wahī tum ko hai maimūn

insān kī sohbat tumheñ darkār kahāñ hai

dekhūñ jo tujhe ḳhwāb meñ maiñ ai mah-e-kanāñ

aisā to mirā tāla-e-bedār kahāñ hai

sunte hī us āwāz kī kuchh ho gaī wahshat

dekho to wo zanjīr kī jhankār kahāñ hai

din chhīne wo jab dekhiyo ġhārat-garī us kī

tab sochiyo ḳhurshīd kī dastār kahāñ hai

us din ke huñ sadqe ki tū khīñche hue talwār

ye pūchhtā aawe wo gunahgār kahāñ hai

hañste to ho tum mujh pe wa-lekin koī din ko

rooge ki wo merā giraftār kahāñ hai

ai ġham mujhe yañ ahl-e-tayyush ne hai gherā

is bhiḌ meñ tū ai mere ġham-ḳhwār kahāñ hai

jab tak ki wo jhāñke thā idhar mahr se hum to

wāqif hī na the mahr par anwār kahāñ hai

us mah ke sarakte hī ye andher hai 'ehsāñ'

malūm nahīñ raḳhna-e-dīwār kahāñ hai