Sufinama

barahman mujhko banana na musalman karna

Bedam Shah Warsi

barahman mujhko banana na musalman karna

Bedam Shah Warsi

MORE BYBedam Shah Warsi

    barahman mujh ko banānā na musalmāñ karnā

    mere saaqī mujhe mas-mai-irfāñ karnā

    dāġh-e-dil siine meñ aahoñ se numāyāñ karnā

    ham se sīkhe shab-e-ġham koī charāġhāñ karnā

    haram-o-dair meñ ke charāġhāñ karnā

    justujū terī hameñ tā-had-e-imkāñ karnā

    dil ke bahlāne vahshat meñ ye sāmāñ karnā

    chashm-e-ḳhūñ-bār se dāman ko gulistāñ karnā

    havas-e-sair-e-gulistāñ ne qafas dikhlāyā

    ab asīro na kabhī qasd-e-gulistāñ karnā

    ahl-e-be-dād ke jab naam pukāre jaa.eñ

    tum na ghabrā ke sar-e-hashr kahīñ haañ karnā

    na kabhī maiñ ne kahā thā ki mujhe dard mile

    na kahūñgā ki mire dard darmāñ karnā

    un ke dīvānoñ ko sar phoḌ ke dīvāroñ se

    aaj manzūr hai ārā.ish-e-zindāñ karnā

    shaiḳh ko ka.aba mubārak ho barahman ko kunisht

    ham ko sajda taraf-e-kūcha-e-jānāñ karnā

    ai sabā tujh ko usī zulf-e-pareshāñ qasam

    merā shīrāza-e-hastī bhī pareshāñ karnā

    un ke dīvānoñ e.ajāz-e-nigāhī dekho

    aañkh uThānā ki gulistāñ ko bayābāñ karnā

    dāġh-e-dil parde meñ rah jaa.e na ai dast-e-junūñ

    chaak kuchh aur abhī merā garebāñ karnā

    ke phir misr meñ ai ishq kisī yūsuf ko

    phir na.e rañg se ārā.ish-e-zindāñ karnā

    dasht-e-ġhurbat meñ tire ḳhāk-nashīñ achchhe haiñ

    chāhiye aur inheñ be-sar-o-sāmāñ karnā

    zauq-e-sajda tujhe sañg-e-dar-e-jānāñ qasam

    hosh mujh ko na sharminda-e-ehsāñ karnā

    uTh rahe haiñ mire nazroñ se duī ke parde

    kuchh madad aur ḳhayāl-e-ruḳh-e-jānāñ karnā

    ban ga.e hairat-e-nazzāra sūrat 'bedam'

    raas aayā na hameñ diid armāñ karnā

    barahman mujh ko banana na musalman karna

    mere saqi mujhe mas-mai-irfan karna

    dagh-e-dil sine mein aahon se numayan karna

    hum se sikhe shab-e-gham koi charaghan karna

    haram-o-dair mein ja ja ke charaghan karna

    justuju teri hamein ta-had-e-imkan karna

    dil ke bahlane ka wahshat mein ye saman karna

    chashm-e-KHun-bar se daman ko gulistan karna

    hawas-e-sair-e-gulistan ne qafas dikhlaya

    ab asiro na kabhi qasd-e-gulistan karna

    ahl-e-be-dad ke jab nam pukare jaen

    tum na ghabra ke sar-e-hashr kahin han karna

    na kabhi main ne kaha tha ki mujhe dard mile

    na kahunga ki mere dard ka darman karna

    un ke diwanon ko sar phoD ke diwaron se

    aaj manzur hai aaraish-e-zindan karna

    shaiKH ko kaba mubarak ho barahman ko kunisht

    hum ko sajda taraf-e-kucha-e-jaanan karna

    ai saba tujh ko usi zulf-e-pareshan ki qasam

    mera shiraaza-e-hasti bhi pareshan karna

    un ke diwanon ki eajaz-e-nigahi dekho

    aankh uThana ki gulistan ko bayaban karna

    dagh-e-dil parde mein rah jae na ai dast-e-junun

    chaak kuchh aur abhi mera gareban karna

    la ke phir misr mein ai ishq kisi yusuf ko

    phir nae rang se aaraish-e-zindan karna

    dasht-e-ghurbat mein tere KHak-nashin achchhe hain

    chahiye aur inhen be-sar-o-saman karna

    zauq-e-sajda tujhe sang-e-dar-e-jaanan ki qasam

    hosh ka mujh ko na sharminda-e-ehsan karna

    uTh rahe hain mere nazron se dui ke parde

    kuchh madad aur KHayal-e-ruKH-e-jaanan karna

    ban gae hairat-e-nazzara ki surat 'bedam'

    ras aaya na hamein did ka arman karna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now