Sufinama

mujhse chhup kar mere armanon ko barbaad na kar

Bedam Shah Warsi

mujhse chhup kar mere armanon ko barbaad na kar

Bedam Shah Warsi

MORE BYBedam Shah Warsi

    mujh se chhup kar mire armānoñ ko barbād na kar

    dād-ḳhvāhī ke liye aayā huuñ bedād na kar

    dekh miT jā.egā hastī se guzar jā.egā

    dil-e-nā-āqebat-andesh unheñ yaad na kar

    aa gayā ab to mujhe lutf-e-asīrī sayyād

    zab.h kar Daal magar qaid se āzād na kar

    jis pe martā huuñ use dekh to luuñ bhar ke

    itnī jaldī mire qatl meñ jallād na kar

    aap to zulm lagātār ka.e jaate haiñ

    mujh se tākīd pe tākīd hai fariyād na kar

    jalva dikhlā ke mirā luuT liyā sabr-o-qarār

    phir ye kahte haiñ ki nāla-o-fariyād na kar

    aap apnī jafāoñ pe pashemān haiñ vo

    un ko mahjūb ziyāda dil-e-nāshād na kar

    ai sabā kūcha-e-jānāñ meñ paḌā rahne de

    ḳhaak ham ḳhāk-nashīnoñ to barbād na kar

    ham to jab samjheñ ki haañ dil pe hai qaabū 'bedam'

    vo tujhe bhuul ga.e bhī unheñ yaad na kar

    mujh se chhup kar mere armanon ko barbaad na kar

    dad-KHwahi ke liye aaya hun bedad na kar

    dekh miT jaega hasti se guzar jaega

    dil-e-na-aqebat-andesh unhen yaad na kar

    aa gaya ab to mujhe lutf-e-asiri sayyaad

    zabh kar Dal magar qaid se aazad na kar

    jis pe marta hun use dekh to lun ji bhar ke

    itni jaldi tu mere qatl mein jallad na kar

    aap to zulm lagatar kae jate hain

    mujh se takid pe takid hai fariyaad na kar

    jalwa dikhla ke mera luT liya sabr-o-qarar

    phir ye kahte hain ki tu nala-o-fariyaad na kar

    aap hi apni jafaon pe pasheman hain wo

    un ko mahjub ziyaada dil-e-nashad na kar

    ai saba kucha-e-jaanan mein paDa rahne de

    KHak hum KHak-nashinon ki to barbaad na kar

    hum to jab samjhen ki han dil pe hai qabu 'bedam'

    wo tujhe bhul gae tu bhi unhen yaad na kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now