Sufinama

yahi hai agar jaan khona hamara

Benazir Shah Warsi

yahi hai agar jaan khona hamara

Benazir Shah Warsi

MORE BYBenazir Shah Warsi

    yahī hai agar jaan khonā hamārā

    barābar hai honā na honā hamārā

    barastā to hai dekh ai abr-e-rahmat

    koī dāġh-e-hasrat na dhonā hamārā

    tire ghar meñ is darja chhup chhup ke ro.e

    ki shāhid hai ek ek ko ronā hamārā

    sarāpā hai baḳht-e-be-dār āḳhir

    bahut kaam aayā na sonā hamārā

    gire ḳhaak pur ashk to ham ye samjhe

    samar lā.egā biij bonā hamārā

    ḳhabar kyā thī kuchh aur tūfāñ hogā

    hamīñ ko Dubo.egā ronā hamārā

    ye jo pasliyoñ ke nishāñ haiñ zamīñ par

    yahī boriyā hai bichhaunā hamārā

    chale 'benazīr' aap vo justujū ko

    mubārak ho ham ko khonā hamārā

    yahi hai agar jaan khona hamara

    barabar hai hona na hona hamara

    barasta to hai dekh ai abr-e-rahmat

    koi dagh-e-hasrat na dhona hamara

    tere ghar mein is darja chhup chhup ke roe

    ki shahid hai ek ek ko rona hamara

    sarapa hai baKHt-e-be-dar aaKHir

    bahut kaam aaya na sona hamara

    gire KHak pur ashk to hum ye samjhe

    samar laega bij bona hamara

    KHabar kya thi kuchh aur tufan hoga

    hamin ko Duboega rona hamara

    ye jo pasliyon ke nishan hain zamin par

    yahī boriya hai bichhauna hamara

    chale 'benazir' aap wo justuju ko

    mubarak ho hum ko khona hamara

    Source :
    • Book : Tazkira Sho.ara-e-Warsia (Pg. 53)
    • Publication : Fine Books Printers (1993)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now