یہی ہے اگر جان کھونا ہمارا

یہی ہے اگر جان کھونا ہمارا

برابر ہے ہونا نہ ہونا ہمارا

برستا تو ہے دیکھ اے ابر رحمت

کوئی داغ حسرت نہ دھونا ہمارا

ترے گھر میں اس درجہ چھپ چھپ کے روئے

کہ شاہد ہے ایک ایک کو رونا ہمارا

سراپا ہے بخت بیدار آخر

بہت کام آیا نہ سونا ہمارا

گرے خاک پر اشک تو ہم یہ سمجھے

ثمر لائے گا بیج بونا ہمارا

خبر کیا تھی کچھ اور طوفاں ہوگا

ہمیں کو ڈبوئے گا رونا ہمارا

یہ جو پسلیوں کے نشاں ہیں زمیں پر

یہی بوریا ہے بچھونا ہمارا

چلے بے نظیرؔ آپ وہ جستجو کو

مبارک ہو ہم کو کھونا ہمارا