ek aan sambhalte nahin ab mere sambhaale

ik aan sambhalte nahīñ ab mere sambhāle

be-tarah kuchh in āñsuoñ ne paañv nikāle

jo kuchh ki dikhāvegā ḳhudā dekheñge nā-chār

sadqe tire ik baar tū muñh apnā dikhā le

aise se koī apne ta.iiñ kyūñki bachāve

dil zulfoñ se bach jaa.e to āñkhoñ se churā le

vo surḳh libās us ke gale meñ nazar aayā

jis ke haiñ mere dil meñ paḌe ab ta.iiñ laale

kab tujh pe guzartā hai kabhū merā sā ahvāl

yuuñ chāhe so tū aur bhī kuchh bāteñ banā le

kyā jāniye kis dil ke ta.iiñ aah Daseñge

zulfoñ ne to be-tarah ye ab chhoḌe haiñ kaale

phir aage qiyāmat hai agar ab bhī na aao

mar miT ke judā.ī ke din itne to haiñ Taale

abrū ne tirī jis taraf ab teġh sambhālī

mizhgāñ ne vahīñ kar diye tab sāmne bhāle

va.ade kī to muddat na kahī 'dard' kuchh us ne

is ġham ko bhalā kahiye koī kab ta.iiñ Taale

ek aan sambhalte nahin ab mere sambhaale

be-tarah kuchh in aansuon ne panw nikale

jo kuchh ki dikhawega KHuda dekhenge na-chaar

sadqe tere ek bar tu munh apna dikha le

aise se koi apne tain kyunki bachawe

dil zulfon se bach jae to aankhon se chura le

wo surKH libas us ke gale mein nazar aaya

jis ke hain mere dil mein paDe ab tain lale

kab tujh pe guzarta hai kabhu mera sa ahwal

yun chahe so tu aur bhi kuchh baaten bana le

kya jaaniye kis dil ke tain aah Dasenge

zulfon ne to be-tarah ye ab chhoDe hain kale

phir aage qiyamat hai agar ab bhi na aao

mar miT ke judai ke din itne to hain Tale

abru ne teri jis taraf ab tegh sambhaali

mizhgan ne wahin kar diye tab samne bhaale

wade ki to muddat na kahi 'dard' kuchh us ne

is gham ko bhala kahiye koi kab tain Tale