Sufinama

kahne ko to ai dil duniya mein talwar hai nashtar hai ulfat

Abdul Hadi Kavish

kahne ko to ai dil duniya mein talwar hai nashtar hai ulfat

Abdul Hadi Kavish

MORE BYAbdul Hadi Kavish

    kahne ko to ai dil duniyā meñ talvār hai nashtar hai ulfat

    sachchā hai agar terā jazba phūloñ se hasīñ-tar hai ulfat

    aate haiñ masā.ib ulfat meñ dil ġham se bhī chhalnī hotā hai

    vo sāmne har-dam rahte haiñ firdaus se behtar hai ulfat

    khiñchtī haiñ yahāñ par khāleñ bhī suulī bhī chaḌhāyā jaatā hai

    phir god meñ letī hai rahmat in.aam paikar hai ulfat

    ye jism jo āb-o-gil se banā hotā hai karam se un ke fanā

    phir zaat meñ miltā hai sālik ik nuur chādar hai ulfat

    kyā zikr ibādat taqvā jab ishq ḳhudā apnā Thahrā

    kahtā huuñ yūñhī maiñ ai 'kāvish' har chiiz se bartar hai ulfat

    kahne ko to ai dil duniya mein talwar hai nashtar hai ulfat

    sachcha hai agar tera jazba phulon se hasin-tar hai ulfat

    aate hain masaib ulfat mein dil gham se bhi chhalni hota hai

    wo samne har-dam rahte hain firdaus se behtar hai ulfat

    khinchti hain yahan par khaalen bhi suli bhi chaDhaya jata hai

    phir god mein leti hai rahmat inam ka paikar hai ulfat

    ye jism jo aab-o-gil se bana hota hai karam se un ke fana

    phir zat mein milta hai salik ek nur ki chadar hai ulfat

    kya zikr ibaadat taqwa ka jab ishq KHuda apna Thahra

    kahta hun yunhi main ai 'kawish' har chiz se bartar hai ulfat

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now