āñkhoñ meñ namī aaī chehre pe malāl aayā

āñkhoñ meñ namī aa.ī chehre pe malāl aayā

ai jalva-e-mahbūbī jab terā ḳhayāl aayā

thā un kī tavajjoh meñ har jazb-e-talab merā

har chand mo.addab thī jab merā savāl aayā

is baat pe badlī hai bas chashm-e-karam un kī

ushshāq ke hoñToñ pe kyuuñ harf-e-savāl aayā

yā un ke hasīn abrū aa.e haiñ tasavvur meñ

yā mahfil-e-hastī meñ raḳhshanda hilāl aayā

ham sajda jahāñ kar leñ ka.aba vahīñ ban jaa.e

miT kar tirī ulfat meñ ham ko ye kamāl aayā

ab hashr-ba-dāmāñ hai har mahfil-e-tanhā.ī

tum aa.e to furqat kī azmat pe zavāl aayā

phir rañg-e-junūñ barsā phūloñ kī qabāoñ par

ye kaun gulistāñ meñ āshufta nihāl aayā

paiġhām-e-'fanā' laayā taskīn-e-dil-e-muztar

vo aa ga.e nazroñ meñ jab vaqt-e-visāl aayā

āñkhoñ meñ namī aaī chehre pe malāl aayā

ai jalwa-e-mahbūbī jab terā ḳhayāl aayā

thā un kī tawajjoh meñ har jazb-e-talab merā

har chand moaddab thī jab merā sawāl aayā

is baat pe badlī hai bas chashm-e-karam un kī

ushshāq ke hoñToñ pe kyuñ harf-e-sawāl aayā

yā un ke hasīn abrū aae haiñ tasawwur meñ

yā mahfil-e-hastī meñ raḳhshanda hilāl aayā

hum sajda jahāñ kar leñ kaba wahīñ ban jae

miT kar tirī ulfat meñ hum ko ye kamāl aayā

ab hashr-ba-dāmāñ hai har mahfil-e-tanhāī

tum aae to furqat kī azmat pe zawāl aayā

phir rañg-e-junūñ barsā phūloñ kī qabāoñ par

ye kaun gulistāñ meñ āshufta nihāl aayā

paiġhām-e-'fanā' layā taskīn-e-dil-e-muztar

wo aa gae nazroñ meñ jab waqt-e-wisāl aayā