gar dekhai to mazhar-e-asar-e-liqa hun

gar dekhai to mazhar-e-āsār-e-liqā huuñ

aur samajhiye juuñ aks mujhe mahv-e-fanā huuñ

karatā huuñ pas az marg bhī hal mushkil-e-ālam

be-his huuñ pe nāḳhun kī tarah uqda-kushā huuñ

mamnūn mere faiz ke sab ahl-e-nazar haiñ

juuñ nuur har ik chashm ko dīdār-numā huuñ

hai mazhar-e-anvār-e-safā merī kudūrat

har chand ki aahan huuñ par ā.īna banā huuñ

ahvāl-e-do-a.alam hai mire dil pe huvaidā

samjhā nahīñ tā-hāl par apne ta.iiñ kyā huuñ

āvāz nahīñ qaid meñ zanjīr kī hargiz

har chand ki a.alam meñ huuñ a.alam se judā huuñ

huuñ qāfila-sālār tarīqa-e-qudmā 'dard'

juuñ naqsh-e-qadam ḳhalq ko maiñ rāh-numā huuñ

gar dekhai to mazhar-e-asar-e-liqa hun

aur samajhiye jun aks mujhe mahw-e-fana hun

karata hun pas az marg bhi hal mushkil-e-alam

be-his hun pe naKHun ki tarah uqda-kusha hun

mamnun mere faiz ke sab ahl-e-nazar hain

jun nur har ek chashm ko didar-numa hun

hai mazhar-e-anwar-e-safa meri kudurat

har chand ki aahan hun par aaina bana hun

ahwal-e-do-alam hai mere dil pe huwaida

samjha nahin ta-haal par apne tain kya hun

aawaz nahin qaid mein zanjir ki hargiz

har chand ki aalam mein hun aalam se juda hun

hun qafila-salar tariqa-e-qudma 'dard'

jun naqsh-e-qadam KHalq ko main rah-numa hun