ghair jo be-faida hathon pe gul khaya kiye
ġhair jo be-fā.ida hāthoñ pe gul khāyā kiye
ham bhī nāhaq daaġh apne dil ke the dikhlāyā kiye
dil kī dil jaane mujhe shikvā to milne kā nahīñ
gāh-gāhe paas mere aap to aayā kiye
din tumhār to kaTe baare ḳhushī se har tarah
ham balā se yaañ paḌe rātoñ ko ghabrāyā kiye
dil burā hotā hai koī tujh se par yuuñ abas
ham sadā ġhairoñ se milnā sun ke ghabrāyā kiye
chain to ham ko na aayā ek saa.at us ba-ġhair
rāt-din har chand apne dil ko bahlāyā kiye
dekhne paatā nahīñ hai koī jis kī chhāoñ haañ
le chalī hai aaj ham ko vo parī saayā kiye
apne darvāza talak bhī vo na aayā ek baar
har ghaḌī uTh-uTh ke ham jis ke liye jaayā kiye
yā to vo rāteñ thiiñ yā ye kuchh dinoñ kā pher hai
haath ab lagte nahīñ tab paañv dabvāyā kiye
tab hamāre us ke ab tak yuuñ nibhī thī 'dard' yaañ
baat aisī vaisī ham ḳhātir meñ kam laayā kiye
ghair jo be-faida hathon pe gul khaya kiye
hum bhi nahaq dagh apne dil ke the dikhlaya kiye
dil ki dil jaane mujhe shikwa to milne ka nahin
gah-gahe pas mere aap to aaya kiye
din tumhaar to kaTe bare KHushi se har tarah
hum bala se yan paDe raaton ko ghabraya kiye
dil bura hota hai koi tujh se par yun abas
hum sada ghairon se milna sun ke ghabraya kiye
chain to hum ko na aaya ek saat us ba-ghair
raat-din har chand apne dil ko bahlaya kiye
dekhne pata nahin hai koi jis ki chhaon han
le chali hai aaj hum ko wo pari saya kiye
apne darwaza talak bhi wo na aaya ek bar
har ghaDi uTh-uTh ke hum jis ke liye jaya kiye
ya to wo raaten thin ya ye kuchh dinon ka pher hai
hath ab lagte nahin tab panw dabwaya kiye
tab hamare us ke ab tak yun nibhi thi 'dard' yan
baat aisi waisi hum KHatir mein kam laya kiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.