madrase mein aashiqon ke jis ki bismillah ho

madrase meñ āshiqoñ ke jis kī bismillāh ho

us kā pahlā hī sabaq yaaro fanā fillāh ho

ye sabaq tūlānī aisā hai ke āḳhir ho na ho

be-nihāyat ko nihāyat kaise yā-rabba ho

dūsrā phir ho sabaq ilmul-fanā kā intifā

ya.anī us apnī fanā se kuchh na vo āgāh ho

dauḌ aake tab chale jab joḌ pīchhe ho madad

us daqīqe ko vahī pahuñche jo haq āgāh ho

tīsrā us kā sabaq hai phir ke aanā is taraf

ab baqā billāh hāsil us ko ḳhātir-ḳhvāh ho

vo bhī aajiz ho ga.e mushkil hai jin kā rabt-o-zabt

hāfiz-o-mullāh yahāñ par kab dalīl-e-rāh ho

hazrat-e-ishq aap hoveñ gar mudarris chand roz

phir to ilm-e-faqr kī tahsīl ḳhātir-ḳhvāh ho

ik tavajjoh aap kī vāfī-o-kāfī hai hameñ

kaisā hī qissa ho tūlānī to vo kotāh ho

ai 'niyāz' apne to jo kuchh ho tumhīñ ho bas faqat

hazrat-e-ishq aap ho aur aap dāmallāh ho

madrase mein aashiqon ke jis ki bismillah ho

us ka pahla hi sabaq yaro fana fillah ho

ye sabaq tulani aisa hai ke aaKHir ho na ho

be-nihayat ko nihayat kaise ya-rabba ho

dusra phir ho sabaq ilmul-fana ka intifa

yani us apnī fana se kuchh na wo aagah ho

dauD aake tab chale jab joD pichhe ho madad

us daqiqe ko wahi pahunche jo haq aagah ho

tisra us ka sabaq hai phir ke aana is taraf

ab baqa billah hasil us ko KHatir-KHwah ho

wo bhi aajiz ho gae mushkil hai jin ka rabt-o-zabt

hafiz-o-mullah yahan par kab dalil-e-rah ho

hazrat-e-ishq aap howen gar mudarris chand roz

phir to ilm-e-faqr ki tahsil KHatir-KHwah ho

ek tawajjoh aap ki wafi-o-kafi hai hamein

kaisā hi qissa ho tulani to wo kotah ho

ai 'niyaz' apne to jo kuchh ho tumhin ho bas faqat

hazrat-e-ishq aap ho aur aap damallah ho