KHudawanda ye tere sada-dil bande kidhar jaen
ḳhudāvandā ye tere sāda-dil bande kidhar jaa.eñ
ki be-dīnī bhī ik fashion hai maz.hab bhī riyā-kārī
bane baiThe haiñ sab ma.abūd apne apne halqoñ meñ
numā.ish kā hai taqvā aur tasanno.a kī hai mai-ḳhvārī
haiñ kaifiyāt bhī mister kī dāḳhil ādāb-e-majlis meñ
misāl-e-girya-e-vā.iz ye hañsnā bhī hai makkārī
zarūrī jaan kar rotā hai beTā marg-e-mādar par
magar samjhā hai us ko bhī moharram kī azā-dārī
milī jam.īyat-e-ḳhātir bhī suufī ko to mahfil meñ
gavayyā apnī ḳhalvat meñ jo gaayā bhī to darbārī
miTe jaate haiñ bāham āshiq-o-ma.ashūq ulfat meñ
magar stage par jis tarh karte haiñ adā-kārī
liye phirtā hai shauq-e-ḳhud-numā.ī sar pa shā.ir ko
abhī chalnā nahīñ sīkhā hai ye farzand-be-kārī
KHudawanda ye tere sada-dil bande kidhar jaen
ki be-dini bhi ek fashion hai mazhab bhi riya-kari
bane baiThe hain sab mabud apne apne halqon mein
numaish ka hai taqwa aur tasannoa ki hai mai-KHwari
hain kaifiyat bhi mister ki daKHil aadab-e-majlis mein
misal-e-girya-e-waiz ye hansna bhi hai makkari
zaruri jaan kar rota hai beTa marg-e-madar par
magar samjha hai us ko bhi moharram ki aza-dari
mili jamiyat-e-KHatir bhi sufi ko to mahfil mein
gawayya apni KHalwat mein jo gaya bhi to darbari
miTe jate hain baham aashiq-o-mashuq ulfat mein
magar stage par jis tarh karte hain ada-kari
liye phirta hai shauq-e-KHud-numai sar pa shair ko
abhi chalna nahin sikha hai ye farzand-be-kari
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.