mila hai mujhko wo dil jis ko gham ki KHu-si hai

milā hai mujh ko vo dil jis ko ġham kī ḳhū-sī hai

vo ā.gaye haiñ magar phir bhī justujū sī hai

nazar nazar hai fasāna nafas nafas afsos

ye ḳhāmoshī bhī magar tirī guftugū sī hai

kisī se kah na sakūñ ḳhud yaqīñ kar na sakūñ

ik intizār sā hai ik aarzū sī hai

dimāġh-o-dil hai mo.attar girah khule na khule

ye zindagī bhī tirī zulf-e-mushk-bū sī hai

sabā hī rāsta bhūlī ki tuune yaad kiyā

ye aaj kyuuñ mirī sāñsoñ meñ tirī bū sī hai

sukūn dil ko kisī haal meñ nahīñ ai dost

hujūm-e-yās meñ bhī ik aarzū sī hai

junūñ se raunaq-e-bazm-e-ḳhirad ai 'maikash'

jo ham na hoñ to duniyā maqām-e-hū sī hai

mila hai mujh ko wo dil jis ko gham ki KHu-si hai

wo aagaye hain magar phir bhi justuju si hai

nazar nazar hai fasana nafas nafas afsos

ye KHamoshi bhi magar teri guftugu si hai

kisi se kah na sakun KHud yaqin kar na sakun

ek intizar sa hai ek aarzu si hai

dimagh-o-dil hai moattar girah khule na khule

ye zindagi bhi teri zulf-e-mushk-bu si hai

saba hi rasta bhuli ki tune yaad kiya

ye aaj kyun meri sanson mein teri bu si hai

sukun dil ko kisi haal mein nahin ai dost

hujum-e-yas mein bhi ek aarzu si hai

junun se raunaq-e-bazm-e-KHirad ai 'maikash'

jo hum na hon to duniya maqam-e-hu si hai