Sufinama

kyun ho nadim tum meri barbaadiyan hone ke baad

Maikash Akbarabadi

kyun ho nadim tum meri barbaadiyan hone ke baad

Maikash Akbarabadi

MORE BYMaikash Akbarabadi

    kyuuñ ho nādim tum mirī barbādiyāñ hone ke ba.ad

    aur afsāna koī ye dāstāñ hone ke ba.ad

    khul rahī haiñ mujh pe vahshat adā.eñ kis qadar

    kyā bhalā lagtā hai dāman dhajjiyāñ hone ke ba.ad

    aaj sun lete mirā afsana-e-dard-o-alam

    phir bhalā kis sunoge tum javāñ hone ke ba.ad

    miT gayā āḳhir ko maiñ be-iltifātī se tirī

    hasrateñ baḌhtī ga.iiñ nākāmiyāñ hone ke ba.ad

    dil miTā jaatā hai aaj un ye aalam dekh kar

    sharmgīñ haiñ ġhair se sargoshiyāñ hone ke ba.ad

    koī pūchhe to ḳhudā-rā aaj unheñ kyā mil gayā

    kis qadar ḳhush haiñ vo mere rāzdāñ hone ke ba.ad

    dil meñ āñkhoñ se utarnā qayāmat ho gayā

    aap to jaañ ho ga.e dil meñ nihāñ hone ke ba.ad

    kyā kahegā koī 'maikash' ab ye khaTkā bhī gayā

    ho ga.e āzād ham bad-nāmiyāñ hone ke ba.ad

    kyun ho nadim tum meri barbaadiyan hone ke baad

    aur afsana koi ye dastan hone ke baad

    khul rahi hain mujh pe wahshat ki adaen kis qadar

    kya bhala lagta hai daman dhajjiyan hone ke baad

    aaj sun lete mera afsana-e-dard-o-alam

    phir bhala kis ki sunoge tum jawan hone ke baad

    miT gaya aaKHir ko main be-iltifati se teri

    hasraten baDhti gain nakaamiyan hone ke baad

    dil miTa jata hai aaj un ka ye aalam dekh kar

    sharmgin hain ghair se sargoshiyan hone ke baad

    koi puchhe to KHuda-ra aaj unhen kya mil gaya

    kis qadar KHush hain wo mere raazdan hone ke baad

    dil mein aankhon se utarna hi qayamat ho gaya

    aap to jaan ho gae dil mein nihan hone ke baad

    kya kahega koi 'maikash' ab ye khaTka bhi gaya

    ho gae aazad hum bad-namiyan hone ke baad

    Source :
    • Book : Maikada (Pg. 51)
    • Author : Maikash Akbarabadi
    • Publication : Agra Akhbar, Agra (1931)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now