Sufinama

chala aata hai tanha kya sajila mera qatil hai

Akbar Warsi Meerthi

chala aata hai tanha kya sajila mera qatil hai

Akbar Warsi Meerthi

MORE BYAkbar Warsi Meerthi

    chalā aatā hai tanhā kyā sajīlā merā qātil hai

    dahan pān-ḳhurda āñkheñ surmagīñ ruḳhsār par til hai

    mire dam se tujhe ġhairoñ meñ kyā kyā lutf hāsil hai

    sharāb-e-ḳhūn-e-armāñ hai kabāb-e-hasrat-e-dil hai

    hai āġhāz-e-shab-e-vasl aur chhurī allāhu-akbar

    to ai ushshāq ke muuzī muazzin hai ki qātil hai

    ye kahte haiñ vo hamrāh-e-adū aa aa ke turbat par

    ki mujh ko dekh le uTh to sahī kaisā ġhāfil hai

    nikal kar zulf se pahuñchūñgā kyūñkar mus.haf-e-ruḳh par

    akelā huuñ añdherī raat hai aur duur manzil hai

    haiñ raushan anjum-o-shams-o-qamar rāt-din sham.eñ

    hamāre vāste gardūñ bhī kyā raunaq mahfil hai

    na pūchho be-dareġhī-hā-e-armān-e-shahīd-e-ġham

    idhar jhuktā hai sar khīñchī udhar shamshīr-e-qātil hai

    ilāhī dekh kar in.aam tere shukr karte haiñ

    hameñ jām-e-jahāñ meñ se sivā har aañkh til hai

    huiiñ haiñ chār-āñkheñ jab se hai ye tafraqa bāham

    kahīñ tan hai kahīñ sar hai kahīñ jaañ hai kahīñ dil hai

    jo tujh ko shauq-e-ham-āġhoshī-e-aġhyār hai kāfir

    to ham ko zauq-e-sharbat-noshī-e-zahr-e-halāhal hai

    ye dil gar vo hai kis pher le dil aisī bad-ḳhū se

    barahna teġh hai ik haath meñ aur ek meñ dil hai

    adā ġhamze karishme ishve haiñ bikhre hue har-sū

    saf-e-maqtal meñ qātil hai andāz-e-qātil hai

    ġhazal ik aur bhī haañ 'akbar'-e-rañgīñ-suḳhan paḌhiye

    tire ash.ār se vo chand nau-chañdī mahfil hai

    chala aata hai tanha kya sajila mera qatil hai

    dahan pan-KHurda aankhen surmagin ruKHsar par til hai

    mere dam se tujhe ghairon mein kya kya lutf hasil hai

    sharab-e-KHun-e-arman hai kabab-e-hasrat-e-dil hai

    hai aaghaz-e-shab-e-wasl aur chhuri allahu-akbar ki

    to ai ushshaq ke muzi muazzin hai ki qatil hai

    ye kahte hain wo hamrah-e-adu aa aa ke turbat par

    ki mujh ko dekh le uTh to sahi tu kaisa ghafil hai

    nikal kar zulf se pahunchunga kyunkar mushaf-e-ruKH par

    akela hun andheri raat hai aur dur manzil hai

    hain raushan anjum-o-shams-o-qamar ki raat-din shamen

    hamare waste gardun bhi kya raunaq ki mahfil hai

    na puchho be-dareghi-ha-e-arman-e-shahid-e-gham

    idhar jhukta hai sar khinchi udhar shamshir-e-qatil hai

    ilahi dekh kar inam tere shukr karte hain

    hamein jam-e-jahan mein se siwa har aankh ka til hai

    huin hain chaar-ankhen jab se hai ye tafraqa baham

    kahin tan hai kahin sar hai kahin jaan hai kahin dil hai

    jo tujh ko shauq-e-ham-aghoshi-e-aghyar hai kafir

    to hum ko zauq-e-sharbat-noshi-e-zahr-e-halahal hai

    ye dil gar wo hai kis ka pher le dil aisi bad-KHu se

    barahna tegh hai ek hath mein aur ek mein dil hai

    ada ghamze karishme ishwe hain bikhre hue har-su

    saf-e-maqtal mein ya qatil hai ya andaz-e-qatil hai

    ghazal ek aur bhi han 'akbar'-e-rangin-suKHan paDhiye

    tere ashaar se wo chand nau-chandi ki mahfil hai

    Source :
    • Book : Riyaz-e-Akbar: Asli Diwan-e-Akbar (Pg. 77)
    • Author : Mohammad Akbar Warsi
    • Publication : Matba Majidi, Meerut
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now