Sufinama

hasinon mein wo gul sab se juda hai apni rangat ka

Akbar Warsi Meerthi

hasinon mein wo gul sab se juda hai apni rangat ka

Akbar Warsi Meerthi

MORE BYAkbar Warsi Meerthi

    hasīnoñ meñ vo gul sab se judā hai apnī rañgat

    adā naaz ishva shoḳhī sharārat

    qayāmat tak namūna hai tire andāz-e-qāmat

    qadam ko chūmtā phirtā hai har fitna qayāmat

    nigāheñ garm haiñ ḳhanjar-ba-kaf haiñ aur ye kahte haiñ

    vo aa.e sāmne armān ho jis ko shahādat

    unhoñ ne jaan aur ne miTTī bhī na un ko

    diyā kyā ḳhūñ-bahā zālim shahīdān-e-mohabbat

    pas-e-murdan to mujh ko qabr meñ rāhat se rahne do

    tumhārī Thokaroñ se uḌtā hai ḳhāka qayāmat

    kahīñ bhī na rakhā yaar kab kab le liye badle

    milā kar ḳhaak meñ baaqī nishāñ chhoḌā na turbat

    milā ab ke to pūchhūñgā ki ai ā.īna-rū ham se

    ye be-parvā.iyāñ kyuuñ haiñ sabab kyā hai kudūrat

    vafā.eñ yaad karke vo bahā jaate haiñ rose aañsū

    rahegā hashr tak sarsabz sabza merī turbat

    hare kapḌe pahan kar phir na jaanā yaar gulshan meñ

    gulū-e-shāḳh-e-gul se ḳhuun Tapkegā shahādat

    Dubo kar chāh-e-ġham meñ kah gayā vo yūsuf-e-sānī

    burī hotī hai chāhat phir na lenā naam chāhat

    kahā us ne ki 'akbar' kis ke āshiq ho kahā maiñ ne

    tumhārī pyārī aadat tumhārī bholī sūrat

    hasinon mein wo gul sab se juda hai apni rangat ka

    ada ka naz ka ishwa ka shoKHi ka shararat ka

    qayamat tak namuna hai tere andaz-e-qamat ka

    qadam ko chumta phirta hai har fitna qayamat ka

    nigahen garm hain KHanjar-ba-kaf hain aur ye kahte hain

    wo aae samne arman ho jis ko shahadat ka

    unhon ne jaan di aur tu ne miTTi bhi na di un ko

    diya kya KHun-baha zalim shahidan-e-mohabbat ka

    pas-e-murdan to mujh ko qabr mein rahat se rahne do

    tumhaari Thokaron se uDta hai KHaka qayamat ka

    kahin ka bhi na rakha yar kab kab le liye badle

    mila kar KHak mein baqi nishan chhoDa na turbat ka

    mila ab ke to puchhunga ki ai aaina-ru hum se

    ye be-parwaiyan kyun hain sabab kya hai kudurat ka

    wafaen yaad karke wo baha jate hain rose aansu

    rahega hashr tak sarsabz sabza meri turbat ka

    hare kapDe pahan kar phir na jaana yar gulshan mein

    gulu-e-shaKH-e-gul se KHun Tapkega shahadat ka

    Dubo kar chah-e-gham mein kah gaya wo yusuf-e-sani

    buri hoti hai chahat phir na lena nam chahat ka

    kaha us ne ki 'akbar' kis ke aashiq ho kaha main ne

    tumhaari pyari aadat ka tumhaari bholi surat ka

    Source :
    • Book : Riyaz-e-Akbar: Asli Diwan-e-Akbar (Pg. 4)
    • Author : Mohammad Akbar Warsi
    • Publication : Matba Majidi, Meerut
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now