mujhe ishq ne ye sabaQ diya ki na hijr hai na visal hai

mujhe ishq ne ye sabaQ diyā ki na hijr hai na visāl hai

usī zaat kā maiñ zuhūr huuñ ye jamāl usī kā jamāl hai

vahī sūrat aur vahī ā.īna jo ḳhayāl dil se ye jaaye na

tu vo rū-ba-rū hai har ā.īna yahī shaan shān-e-kamāl hai

koī aur haq ke sivā nahīñ azal-o-abad hai vo aap hī

vahī aap lai-sa-kamislihī vahī aap apnī misāl hai

mirī bandagī hai to bas yahī ki karūñ maiñ apnī hī bandagī

yahī zikr hai yahī fikr hai yahī haal hai yahī qaal hai

maiñ fidā-e-murshid-e-pāk huuñ dar-e-bārgāh kī ḳhaak huuñ

vo samā ke mujh meñ ye kahte haiñ ki 'azīz' ġhair-muhāl hai

mujhe ishq ne ye sabaQ diya ki na hijr hai na visal hai

usi zat ka main zuhur hun ye jamal usi ka jamal hai

wahi surat aur wahi aaina jo KHayal dil se ye jaye na

tu wo ru-ba-ru hai har aaina yahi shan shan-e-kamal hai

koi aur haq ke siwa nahin azal-o-abad hai wo aap hi

wahi aap lai-sa-kamislihi wahi aap apni misal hai

meri bandagi hai to bas yahi ki karun main apni hi bandagi

yahi zikr hai yahi fikr hai yahi haal hai yahi qal hai

main fida-e-murshid-e-pak hun dar-e-bargah ki KHak hun

wo sama ke mujh mein ye kahte hain ki 'aziz' ghair-muhaal hai