nahīñ suntā nahīñ aatā nahīñ bas merā chaltā hai

nahīñ suntā nahīñ aatā nahīñ bas merā chaltā hai

nikal ai jaan tū hī vo nahīñ ghar se nikaltā hai

jalā huuñ ātish-e-furqat se maiñ ai sho.ala-rū yaañ tak

charāġh-e-ḳhāna mujh ko dekh kar har shaam jaltā hai

nahīñ ye ashk-o-laḳht-e-dil tirī ulfat kī daulat se

mirā ye diida har dam la.al aur gauhar ugaltā hai

kisī kā saath sonā yaad aatā hai to rotā huuñ

mire ashkoñ kī shiddat se sadā gul-takiya galtā hai

milātā huuñ agar āñkheñ to vo dil ko churātā hai

jo maiñ dil ko talab kartā huuñ vo āñkheñ badaltā hai

mire pahlū-o-sīna meñ butoñ ke rah ga.e ḳhanjar

ḳhudā kā fazl jis par ho to vo is tarah bahaltā hai

sadā hī merī qismat juuñ sadā-e-halqa-e-dar hai

agar maiñ ghar meñ jaatā huuñ to vo bāhar nikaltā hai

vo bahr-e-husn shāyad baaġh meñ āvegā ai 'ehsā۔n'

ki favvāra ḳhushī se aaj do do gaz uchhaltā hai

nahīñ suntā nahīñ aatā nahīñ bas merā chaltā hai

nikal ai jaan tū hī wo nahīñ ghar se nikaltā hai

jalā huñ ātish-e-furqat se maiñ ai shoala-rū yañ tak

charāġh-e-ḳhāna mujh ko dekh kar har sham jaltā hai

nahīñ ye ashk-o-laḳht-e-dil tirī ulfat kī daulat se

mirā ye dida har dam lal aur gauhar ugaltā hai

kisī kā sath sonā yaad aatā hai to rotā huñ

mere ashkoñ kī shiddat se sadā gul-takiya galtā hai

milātā huñ agar āñkheñ to wo dil ko churātā hai

jo maiñ dil ko talab kartā huñ wo āñkheñ badaltā hai

mere pahlū-o-sīna meñ butoñ ke rah gae ḳhanjar

ḳhudā kā fazl jis par ho to wo is tarah bahaltā hai

sadā hī merī qismat juñ sadā-e-halqa-e-dar hai

agar maiñ ghar meñ jatā huñ to wo bāhar nikaltā hai

wo bahr-e-husn shāyad baġh meñ āwegā ai 'ehsā۔n'

ki fawwāra ḳhushī se aaj do do gaz uchhaltā hai