Sufinama

pasand aaya to le lo dil hamara

Aasi Ghazipuri

pasand aaya to le lo dil hamara

Aasi Ghazipuri

MORE BYAasi Ghazipuri

    pasand aayā to le lo dil hamārā

    magar dil phir bhī kis qābil hamārā

    koī hai jo na ho hāmil hamārā

    magar milnā huā mushkil hamārā

    nahīñ hotā ki baḌh kar haath rakh deñ

    taḌapnā dekhte haiñ dil hamārā

    jamāl un hai āb-e-zindagānī

    magar jiinā kiyā mushkil hamārā

    chhurī bhī tez zālim ne na kar

    baḌā be-rahm hai qātil hamārā

    tamavvuj bahr-e-ġham dekhte ho

    habāb-e-dil hai dariyā-dil hamārā

    ye garmī ātish-e-dozaḳh meñ vaa.iz

    koī naala huā shāmil hamārā

    chalā saffāk ye meñ na aa.ī

    taḌaptā hai abhī bismil hamārā

    na aanā ham tumhārā dekh leñge

    jo niklā jazb-e-dil kāmil hamārā

    dil-e-gardūñ se le kar tā-dil-e-dost

    gayā naala ka.ī manzil hamārā

    tāmul hai jo paas aane meñ un ko

    vahāñ jaanā bhī lā-hāsil hamārā

    dam-e-naz.a aane va.ada to dekho

    ki ab marnā bhī ho mushkil hamārā

    agar qaabū na thā dil par burā thā

    vahāñ jaanā sar-e-mahfil hamārā

    bhalā vo dushman-e-jāñ dost hogā

    huā pindār ab bātil hamārā

    ye hālat hai to shāyad rahm aa.e

    koī us ko dikhā de dil hamārā

    muhīt-e-jalva-e-be-rañg hai dil

    kahīñ paidā nahīñ sāhil hamārā

    unhīñ chheḌ thī is rañg meñ bhī

    ḳhayāl-e-ġhair thā bātil hamārā

    talab un phireñ ham gird apne

    junūn-e-ishq thā kāmil hamārā

    mazā har aan meñ hai shān-e-nau

    magar jab dil na ho ġhāfil hamārā

    matā-e-garmī-e-bāzār-e-jāñ hai

    vo barq-e-ḳhirman-e-hāsil hamārā

    takallum ham se yāre-e-be-dahan

    na kyuuñ ho mudda.ī qaa.el hamārā

    kabhī ham ko na DhūñDhā ne ai qais

    dil-e-har-zarra thā mahmil hamārā

    muhīt-e-rañg nairañg-e-fanā haiñ

    jamāl-e-dost hai sāhil hamārā

    na jaanā kuchh tarāz-e-ganj-e-asrār

    amānat-dār thā jāhil hamārā

    vo kaash itnā qayāmat meñ to pūchheñ

    kahāñ hai 'āsī'-e-be-dil hamārā

    pasand aaya to le lo dil hamara

    magar dil phir bhi kis qabil hamara

    koi hai jo na ho hamil hamara

    magar milna hua mushkil hamara

    nahin hota ki baDh kar hath rakh den

    taDapna dekhte hain dil hamara

    jamal un ka hai aab-e-zindagani

    magar jina kiya mushkil hamara

    chhuri bhi tez zalim ne na kar li

    baDa be-rahm hai qatil hamara

    tamawwuj bahr-e-gham ka dekhte ho

    habab-e-dil hai dariya-dil hamara

    ye garmi aatish-e-dozaKH mein waiz

    koi nala hua shamil hamara

    chala saffak ye ji mein na aai

    taDapta hai abhi bismil hamara

    na aana hum tumhaara dekh lenge

    jo nikla jazb-e-dil kaamil hamara

    dil-e-gardun se le kar ta-dil-e-dost

    gaya nala kai manzil hamara

    tamul hai jo pas aane mein un ko

    wahan jaana bhi la-hasil hamara

    dam-e-naza aane ka wada to dekho

    ki ab marna bhi ho mushkil hamara

    agar qabu na tha dil par bura tha

    wahan jaana sar-e-mahfil hamara

    bhala wo dushman-e-jaan dost hoga

    hua pindar ab baatil hamara

    ye haalat hai to shayad rahm aae

    koi us ko dikha de dil hamara

    muhit-e-jalwa-e-be-rang hai dil

    kahin paida nahin sahil hamara

    unhin ki chheD thī is rang mein bhi

    KHayal-e-ghair tha baatil hamara

    talab un ki phiren hum gird apne

    junun-e-ishq tha kaamil hamara

    maza har aan mein hai shan-e-nau ka

    magar jab dil na ho ghafil hamara

    mata-e-garmi-e-bazar-e-jaan hai

    wo barq-e-KHirman-e-hasil hamara

    takallum hum se yare-e-be-dahan ka

    na kyun ho muddai qael hamara

    kabhī hum ko na DhunDha tu ne ai qais

    dil-e-har-zarra tha mahmil hamara

    muhit-e-rang nairang-e-fana hain

    jamal-e-dost hai sahil hamara

    na jaana kuchh taraaz-e-ganj-e-asrar

    amanat-dar tha jahil hamara

    wo kash itna qayamat mein to puchhen

    kahan hai 'asi'-e-be-dil hamara

    Source :
    • Book : Diwan-e-aasi (Pg. 20)
    • Author : Aasi Ghazipuri
    • Publication : Subhanallah Azeem Gorakhpuri (1938)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now