Sufinama

aarzu hasrat tamanna muddaa koi nahin

Purnam Allahabadi

aarzu hasrat tamanna muddaa koi nahin

Purnam Allahabadi

MORE BYPurnam Allahabadi

    aarzū hasrat tamannā mudda.ā koī nahīñ

    jab se tum ho mere dil meñ dūsrā koī nahīñ

    be-vafā.ī mujhe tum se gila koī nahīñ

    pyaar to maiñ ne kiyā terī ḳhatā koī nahīñ

    chāhne vaalā huuñ terā jab kabhī maiñ ne kahā

    kah diyā us be-vafā ne merā koī nahīñ

    maiñ ne jis se dil lagāyā vo na merā ho sakā

    is se baḌh kar dil lagāne sazā koī nahīñ

    ḳhuub hai vo zindagī jo saath guzre yaar ke

    yaar bin ulfat meñ jiine maza koī nahīñ

    ruuh taskīn chāra nahīñ hai maut bhī

    dard aisā hai merā jis davā koī nahīñ

    ajnabī huuñ maiñ shanāsāoñ meñ bhī rahte hue

    jāntā koī nahīñ pahchāntā koī nahīñ

    kaam kuchh tere bhī hote terī marzī ke ḳhilāf

    haañ magar mere ḳhudā terā ḳhudā koī nahīñ

    baḌh ke tūfāñ meñ sahārā mauj-e-tūfāñ kyuuñ na de

    merī kashtī ḳhudā hai nā-ḳhudā koī nahīñ

    justujū kāmil hai to manzil milnā shart hai

    justujū se baḌh ke 'purnam' rahnumā koī nahīñ

    aarzu hasrat tamanna muddaa koi nahin

    jab se tum ho mere dil mein dusra koi nahin

    be-wafai ka mujhe tum se gila koi nahin

    pyar to main ne kiya teri KHata koi nahin

    chahne wala hun tera jab kabhi main ne kaha

    kah diya us be-wafa ne tu mera koi nahin

    main ne jis se dil lagaya wo na mera ho saka

    is se baDh kar dil lagane ki saza koi nahin

    KHub hai wo zindagi jo sath guzre yar ke

    yar bin ulfat mein jine ka maza koi nahin

    ruh ki taskin ka chaara nahin hai maut bhi

    dard aisa hai mera jis ki dawa koi nahin

    ajnabi hun main shanasaon mein bhi rahte hue

    jaanta koi nahin pahchanta koi nahin

    kaam kuchh tere bhi hote teri marzi ke KHilaf

    han magar mere KHuda tera KHuda koi nahin

    baDh ke tufan mein sahaara mauj-e-tufan kyun na de

    meri kashti ka KHuda hai na-KHuda koi nahin

    justuju kaamil hai to manzil ka milna shart hai

    justuju se baDh ke 'purnam' rahnuma koi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now