Sufinama

qafas ki tiliyon se le ke shaKH-e-ashiyan tak hai

Bedam Shah Warsi

qafas ki tiliyon se le ke shaKH-e-ashiyan tak hai

Bedam Shah Warsi

MORE BYBedam Shah Warsi

    qafas tīliyoñ se le ke shāḳh-e-āshiyāñ tak hai

    mirī duniyā yahāñ se hai mirī duniyā vahāñ tak hai

    zamīñ se āsmāñ tak āsmāñ se lā-makāñ tak hai

    ḳhudā jaane hamāre ishq duniyā kahāñ tak hai

    ḳhudā jaane kahāñ se jalva-e-jānāñ kahāñ tak hai

    vahīñ tak dekh saktā hai nazar jis jahāñ tak hai

    koī mar kar to dekhe imtihāñ-gāh-e-mohabbat meñ

    ki zer-e-ḳhanjar-e-qātil hayāt-e-jāvedāñ tak hai

    niyāz-o-nāz rūdād-e-husn-o-ishq qissa

    ye jo kuchh bhī hai sab un hamārī dāstāñ tak hai

    qafas meñ bhī vahī ḳhvāb-e-pareshāñ dekhtā huuñ maiñ

    ki jaise bijliyoñ rau falak se āshiyāñ tak hai

    ḳhayāl-e-yār ne to aate gum kar diyā mujh ko

    yahī hai ibtidā to intihā us kahāñ tak hai

    javānī aur phir un javānī ai ma.āz-allāh

    mirā dil kyā tah-o-bālā nizām-e-do-jahāñ tak hai

    ham itnā bhī na samjhe aql khoī dil gañvā baiThe

    ki husn-o-ishq duniyā kahāñ se hai kahāñ tak hai

    vo sar aur ġhair ke dar par jhuke taubā ma.āz-allāh

    ki jis sar rasā.ī tere sañg-e-āstāñ tak hai

    ye kis laash be-gor-o-kafan pāmāl hotī hai

    zamīñ jumbish meñ hai barham nizām-e-āsmāñ tak hai

    jidhar dekho udhar bikhre haiñ tinke āshiyāne ke

    mirī barbādiyoñ silsila yā-rab kahāñ tak hai

    na merī saḳht-jānī phir na un teġh dam-ḳham

    maiñ us ke imtihāñ tak huuñ vo mere imtihāñ tak hai

    zamīñ se āsmāñ tak ek sannāTe aalam hai

    nahīñ ma.alūm mere dil vīrānī kahāñ tak hai

    sitamgar tujh se ummīd-e-karam hogī jinheñ hogī

    hameñ to dekhnā ye thā ki zālim kahāñ tak hai

    nahīñ ahl-e-zamīñ par munhasir mātam shahīdoñ

    qabā-e-nīlgūñ pahne fazā-e-āsmāñ tak hai

    sunā hai sūfiyoñ se ham ne aksar ḳhānqāhoñ meñ

    ki ye rañgīñ-bayānī 'bedam'-e-rañgīñ-bayāñ tak hai

    qafas ki tiliyon se le ke shaKH-e-ashiyan tak hai

    meri duniya yahan se hai meri duniya wahan tak hai

    zamin se aasman tak aasman se la-makan tak hai

    KHuda jaane hamare ishq ki duniya kahan tak hai

    KHuda jaane kahan se jalwa-e-jaanan kahan tak hai

    wahin tak dekh sakta hai nazar jis ki jahan tak hai

    koi mar kar to dekhe imtihan-gah-e-mohabbat mein

    ki zer-e-KHanjar-e-qatil hayat-e-jawedan tak hai

    niyaz-o-naz ki rudad-e-husn-o-ishq ka qissa

    ye jo kuchh bhi hai sab un ki hamari dastan tak hai

    qafas mein bhi wahi KHwab-e-pareshan dekhta hun main

    ki jaise bijliyon ki rau falak se aashiyan tak hai

    KHayal-e-yar ne to aate hi gum kar diya mujh ko

    yahī hai ibtida to intiha us ki kahan tak hai

    jawani aur phir un ki jawani ai maaz-allah

    mera dil kya tah-o-baala nizam-e-do-jahan tak hai

    hum itna bhi na samjhe aql khoi dil ganwa baiThe

    ki husn-o-ishq ki duniya kahan se hai kahan tak hai

    wo sar aur ghair ke dar par jhuke tauba maaz-allah

    ki jis sar ki rasai tere sang-e-astan tak hai

    ye kis ki lash be-gor-o-kafan pamal hoti hai

    zamin jumbish mein hai barham nizam-e-asman tak hai

    jidhar dekho udhar bikhre hain tinke aashiyane ke

    meri barbaadiyon ka silsila ya-rab kahan tak hai

    na meri saKHt-jaani phir na un ki tegh ka dam-KHam

    main us ke imtihan tak hun wo mere imtihan tak hai

    zamin se aasman tak ek sannaTe ka aalam hai

    nahin malum mere dil ki virani kahan tak hai

    sitamgar tujh se ummid-e-karam hogi jinhen hogi

    hamein to dekhna ye tha ki tu zalim kahan tak hai

    nahin ahl-e-zamin par munhasir matam shahidon ka

    qaba-e-nilgun pahne faza-e-asman tak hai

    suna hai sufiyon se hum ne aksar KHanqahon mein

    ki ye rangin-bayani 'bedam'-e-rangin-bayan tak hai

    Source :
    • Book : Nurul-Ain: Mosahhaf-e-Bedam (Pg. 158)
    • Author : Bedam Shah Warsi
    • Publication : Shaikh Ata Mohammad, Lahore (1935)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now