Thukraate hain wo sar jo mera kibr-o-naz se

Thukrāte haiñ vo sar jo mirā kibr-o-nāz se

sajde qadam pe karte haiñ ijz-o-niyāz se

ham ko khulā ye bhed baḌe pāk-bāz se

miltī hai shāhrāh-e-haqīqat majāz se

farhād-o-qais nā-balad rāh-e-ishq the

vāqif hamīñ haiñ us ke nasheb-o-farāz se

qissa shab-e-firāq kā be-intihā hai tuul

miltā hai silsila tirī zulf-e-darāz se

ai tark teġh-o-tīr kī kyā ehtiyāj hai

mujh ko shahīd kījiye shamshīr-e-nāz se

zāhid huzūr-e-qalb se jab tak adā na ho

batlā to kyā savāb phir aisī namāz se

'ālī' jo vasf likhte haiñ is rashk-e-gul ke ham

jhaḌte haiñ phuul ḳhāma mid.hat tarāz se

Thukraate hain wo sar jo mera kibr-o-naz se

sajde qadam pe karte hain ijz-o-niyaz se

hum ko khula ye bhed baDe pak-baz se

milti hai shahrah-e-haqiqat majaz se

farhad-o-qais na-balad rah-e-ishq the

waqif hamin hain us ke nasheb-o-faraaz se

qissa shab-e-firaq ka be-intiha hai tul

milta hai silsila teri zulf-e-daraaz se

ai tark tegh-o-tir ki kya ehtiyaj hai

mujh ko shahid kijiye shamshir-e-naz se

zahid huzur-e-qalb se jab tak ada na ho

batla to kya sawab phir aisi namaz se

'ali' jo wasf likhte hain is rashk-e-gul ke hum

jhaDte hain phul KHama midhat taraaz se