Sufinama

mere dil mein kyun KHayal-e-kucha-e-dil-bar na ho

Raza Firangi Mahali

mere dil mein kyun KHayal-e-kucha-e-dil-bar na ho

Raza Firangi Mahali

MORE BYRaza Firangi Mahali

    mere dil meñ kyuuñ ḳhayāl-e-kūcha-e-dil-bar na ho

    bulbul-e-āvāra ko yād-e-chaman kyūñ-kar na ho

    dil butān-e-dahr tauqīr ḳhūgar na ho

    ḳhāna-e-ka’aba meñ bā-'azmat agar patthar na ho

    va.ade par ā.eñge vo ai dil Thahar muztar na ho

    barq-tābinda na ban aape se bāhar na ho

    hijr ke ālām se chhūTūñ ye qismat meñ nahīñ

    maut bhī aane gar va.ada kare bāvar na ho

    TukḌe TukḌe ho gayā hai dil firāq-e-yār meñ

    muntashir ai vasl ye ganjīna-e-abtar na ho

    shar nikālā hai nirālā kahtā hai qātil mirā

    zinda-e-jāved hai vo jism jis par sar na ho

    uḌ sakeñ barsāt meñ kis tarah jugnū be-shumār

    josh-e-girya meñ sharar-afshāñ jo dil aksar na ho

    ’āriz-e-tābāñ se hotā hai ise kasb-e-jiyā

    shab-charāġh ik din tumhāre kaan gauhar na ho

    ḳhuun pyāsā hai aur ḳhuun mujh meñ nahīñ

    chiir kar dil dekh le qātil agar bāvar na ho

    mere dikhlāne ko uTThe ho jo qatl-e-ġhair par

    teġh lo vo haath meñ jis meñ zarā jauhar na ho

    marte dīdār-e-jānāñ ho muyassar bil-yaqīñ

    biich meñ haa.il agar ye parda-e-mahshar na ho

    qatl par mere gar haT hai to āmāda huuñ maiñ

    roz jhagḌā miTe tan par balā se sar na ho

    tairtā hai phuul ban kar bahr-e-ġham meñ dil mirā

    kis tarah Duube vo kashtī jis meñ kuchh lañgar na ho

    qalb-e-momin ā.īna hai zāt-e-momin 'razā'

    dekh kar hairāñ use kyuuñ 'aql-e-iskandar na ho

    mere dil mein kyun KHayal-e-kucha-e-dil-bar na ho

    bulbul-e-awara ko yaad-e-chaman kyun-kar na ho

    dil butan-e-dahr ki tauqir ka KHugar na ho

    KHana-e-ka’aba mein ba-'azmat agar patthar na ho

    wade par aaenge wo ai dil Thahar muztar na ho

    barq-tabinda na ban aape se tu bahar na ho

    hijr ke aalam se chhuTun ye qismat mein nahin

    maut bhi aane ka gar wada kare bawar na ho

    TukDe TukDe ho gaya hai dil firaq-e-yar mein

    muntashir ai wasl ye ganjina-e-abtar na ho

    shar nikala hai nirala kahta hai qatil mera

    zinda-e-jawed hai wo jism jis par sar na ho

    uD saken barsat mein kis tarah jugnu be-shumar

    josh-e-girya mein sharar-afshan jo dil aksar na ho

    ’ariz-e-taban se hota hai ise kasb-e-jiya

    shab-charagh ek din tumhaare kan ka gauhar na ho

    KHun ka pyasa hai tu aur KHun hi mujh mein nahin

    chir kar dil dekh le qatil agar bawar na ho

    mere dikhlane ko uTThe ho jo qatl-e-ghair par

    tegh lo wo hath mein jis mein zara jauhar na ho

    marte hi didar-e-jaanan ho muyassar bil-yaqin

    bich mein hail agar ye parda-e-mahshar na ho

    qatl hi par mere gar haT hai to aamada hun main

    roz ka jhagDa miTe tan par bala se sar na ho

    tairta hai phul ban kar bahr-e-gham mein dil mera

    kis tarah Dube wo kashti jis mein kuchh langar na ho

    qalb-e-momin aaina hai zat-e-momin ka 'raza'

    dekh kar hairan use kyun 'aql-e-iskandar na ho

    Source :
    • Book : Asli Guldasta-e-Qawwali (Pg. 9)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now