Sufinama

mai na ho shisha na ho mutrib na ho saghar na ho

Raza Firangi Mahali

mai na ho shisha na ho mutrib na ho saghar na ho

Raza Firangi Mahali

MORE BYRaza Firangi Mahali

    mai na ho shīsha na ho mutrib na ho sāġhar na ho

    kuchh na ho saaqī agar pahlū meñ vo dil-bar na ho

    kyā bahār-e-zindagī pahlū meñ jab dil-bar na ho

    kyuuñ gul-e-qālīñ shab-e-ġham ḳhaar se bad-tar na ho

    kis tarah fitrāk meñ bāñdhe vo qātil ba.ad-e-qatl

    paañv paḌne ke bhī qābil jab hamārā sar na ho

    jis tarah jauhar alag hotā nahīñ talvār se

    yuuñ judā dil se ḳhayāl-e-ābrū dilbar na ho

    hoñ vo saudā.ī nahīñ chāk-e-garebāñ ḳhabar

    aadmī itnā bhī apne jaama se bāhar na ho

    ’umr bhar yād-e-rindāñ meñ giryāñ rahā

    qabr par juz dāman-e-shabnam koī chādar na ho

    ye bhī ik adnā asar hai jhūTe va.adoñ huzūr

    aap iqrār-e-vasl aur mujh ko vo bāvar na ho

    ’uzr kuchh mujh ko nahīñ qātil bismillāh kar

    sar ye hāzir hai magar ehsān mere sar na ho

    riñd bhī hāzir haiñ mahfil meñ marammat ke liye

    yuuñ mazammat mai ai vaa.iz sar-e-mimbar na ho

    ḳhaar chubhte haiñ jo talvoñ meñ allāh re junūñ

    maiñ samajhtā huuñ ki ye fassād nashtar na ho

    tazkire par hashr ke kahtā hai vo kam-sin mirā

    lutf jab hai ham hoñ tum ho dāvar-e-mahshar na ho

    kaste haiñ āvāz aksar sham'-e-rūyān-e-jahāñ

    sham.a-e-mahfil meñ kahīñ goyā 'razā' jal kar na ho

    mai na ho shisha na ho mutrib na ho saghar na ho

    kuchh na ho saqi agar pahlu mein wo dil-bar na ho

    kya bahaar-e-zindagi pahlu mein jab dil-bar na ho

    kyun gul-e-qalin shab-e-gham KHar se bad-tar na ho

    kis tarah fitrak mein bandhe wo qatil baad-e-qatl

    panw paDne ke bhi qabil jab hamara sar na ho

    jis tarah jauhar alag hota nahin talwar se

    yun juda dil se KHayal-e-abru dilbar na ho

    hon wo saudai nahin chaak-e-gareban ki KHabar

    aadmi itna bhi apne jama se bahar na ho

    ’umr bhar yaad-e-rindan mein giryan raha

    qabr par juz daman-e-shabnam koi chadar na ho

    ye bhi ek adna asar hai jhuTe wadon ka huzur

    aap ka iqrar-e-wasl aur mujh ko wo bawar na ho

    ’uzr kuchh mujh ko nahin qatil tu bismillah kar

    sar ye hazir hai magar ehsan mere sar na ho

    rind bhi hazir hain mahfil mein marammat ke liye

    yun mazammat mai ki ai waiz sar-e-mimbar na ho

    KHar chubhte hain jo talwon mein allah re junun

    main samajhta hun ki ye fassad ka nashtar na ho

    tazkire par hashr ke kahta hai wo kam-sin mera

    lutf jab hai hum hon tum ho dawar-e-mahshar na ho

    kaste hain aawaz aksar sham'-e-ruyan-e-jahan

    shama-e-mahfil mein kahin goya 'raza' jal kar na ho

    Source :
    • Book : Asli Guldasta-e-Qawwali (Pg. 16)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now