دوریٔ راہ سے کچھ بیٹھ گیا دل میرا

دوریٔ راہ سے کچھ بیٹھ گیا دل میرا

پاؤں کیا خاک اٹھے اب سوئے منزل میرا

رنگ باندھا ہے چمن میں یہ فغاں نے میری

چپکے منہ دیکھتے رہتے ہیں عنادل میرا

آستیں رنگ بدلے آئی لہو دے نکلی

نہ چھپا لاکھ چھپا حشر میں قاتل میرا

بزم قوالی میں کیا خم سے اڑا لی میں نے

ہاتھ تھاما نہ کسی نے سر محفل میرا

کچھ عجب لطف سے مل جل کے رہا ایک سے ایک

غم تیرا جاں میری رنج تیرا دل میرا

یہ میرا ہو کے رہا بعد فنا تربت میں

جاں سے بھی ہے سوا میرے لیے دل میرا

جو کھلا پھول بنا زخم میرے دل ریاضؔ

جو کلی رہ گئی کھلنے سے بنا دل میرا