koi samajh nahin sakta tujhe ki kya hai tu
koī samajh nahīñ saktā tujhe ki kyā hai tū
bas itnī baat samajhte haiñ ham ḳhudā hai tū
hamāre 'uqda-e-lā-hal ko tū hī kholegā
jahān-bhar kā ḳhudāyā girah-kushā hai tū
tujhī ko DhūñD rahe haiñ ye DhūñDne vaale
sabhoñ ko jis kī talab hai vo mudda.ā hai tū
agar vasīla kisī kā nahīñ rahā to na ho
hazār shukr ki ab merā aasrā hai tū
bas ab to tujh se hī 'akbar' ne lau lagā.ī hai
samajh meñ aa gayā ye masla kHudā hai tū
koi samajh nahin sakta tujhe ki kya hai tu
bas itni baat samajhte hain hum KHuda hai tu
hamare 'uqda-e-la-hal ko tu hi kholega
jahan-bhar ka KHudaya girah-kusha hai tu
tujhi ko DhunD rahe hain ye DhunDne wale
sabhon ko jis ki talab hai wo muddaa hai tu
agar wasila kisi ka nahin raha to na ho
hazar shukr ki ab mera aasra hai tu
bas ab to tujh se hi 'akbar' ne lau lagai hai
samajh mein aa gaya ye masla kHuda hai tu
- Book : Jazbat-e-Akbar (Pg. 86)
- Author :Shah Akbar Danapuri
- Publication : Agra Akhbar Press, Agra (1915)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.