Sufinama

toD kar ahd apna wo bad-ahd chalta ho gaya

Shah Akbar Danapuri

toD kar ahd apna wo bad-ahd chalta ho gaya

Shah Akbar Danapuri

MORE BYShah Akbar Danapuri

    toḌ kar ahd apnā vo bad-ahd chaltā ho gayā

    maiñ to kyā samjhā huā thā yā-ḳhudā kyā ho gayā

    āshiqoñ se bhī kabhī duniyā nahīñ ḳhālī rahī

    maiñ ne parda kar liyā to qais paidā ho gayā

    dekh kar ā.īna sajde shukr ke kartā hai qais

    ya.anī kal majnūñ thā maiñ aur aaj lailā ho gayā

    mere dil ko har taraf se un butoñ ne Dhā diyā

    haaye ye allāh ghar thā jo sahrā ho gayā

    thī bashar ke vāste bāzār duniyā namūd

    dekhne aayā tamāsha ḳhud tamāsha ho gayā

    dekh kar us huur ko pariyāñ bhī ye kahne lagīñ

    ye hasīñ insāñ pariyoñ tamāsha ho gayā

    likh gayā dīvānoñ fihrist meñ merā bhī naam

    shukr hai us zulf-e-a.mbar saudā ho gayā

    dekhtā rah gayā maiñ mushtarī apne muñh

    chhīn kar hāthoñ se merā dil vo chaltā ho gayā

    do hasīnoñ meñ mere dil ke liye takrār hai

    daam itne baḌh ga.e aapas meñ jhagḌā ho gayā

    ek māshūqa to duniyā dūsrā dīn-e-matīn

    ab jise de de ḳhudā maiñ to ḳhudā ho gayā

    ḳhair ho ushshāq saf meñ hai kyuuñ 'akbar' khaḌā

    muttaqī insān thā ye aaj ise kyā ho gayā

    toD kar ahd apna wo bad-ahd chalta ho gaya

    main to kya samjha hua tha ya-KHuda kya ho gaya

    aashiqon se bhi kabhi duniya nahin KHali rahi

    main ne parda kar liya to qais paida ho gaya

    dekh kar aaina sajde shukr ke karta hai qais

    yani kal majnun tha main aur aaj laila ho gaya

    mere dil ko har taraf se un buton ne Dha diya

    haye ye allah ka ghar tha jo sahra ho gaya

    thi bashar ke waste bazar duniya ki namud

    dekhne aaya tamasha KHud tamasha ho gaya

    dekh kar us hur ko pariyan bhi ye kahne lagin

    ye hasin insan pariyon ka tamasha ho gaya

    likh gaya diwanon ki fihrist mein mera bhi nam

    shukr hai us zulf-e-ambar bu ka sauda ho gaya

    dekhta hi rah gaya main mushtari ka apne munh

    chhin kar hathon se mera dil wo chalta ho gaya

    do hasinon mein mere dil ke liye takrar hai

    dam itne baDh gae aapas mein jhagDa ho gaya

    ek mashuqa to duniya dusra din-e-matin

    ab jise de de KHuda main to KHuda ka ho gaya

    KHair ho ushshaq ki saf mein hai kyun 'akbar' khaDa

    muttaqi insan tha ye aaj ise kya ho gaya

    Source :
    • Book : Jazbaat-e-Akbar (Pg. 27)
    • Author :Shah Akbar Danapuri
    • Publication : Agra Akhbar Press, Agra (1915)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now