jis ne ai rashk-e-pari tujhko na dekha hoga

jis ne ai rashk-e-parī tujh ko na dekhā hogā

aadmī ho ki malak aañkh kā andhā hogā

kī nazar apnī haqīqat pe to sābit ye huā

ye vahī qatra hai ik roz jo dariyā hogā

naqsh agar hai to hai naqqāsh kā honā bhī zarūr

anjuman hai to koi anjuman-ārā hogā

dekh kar ham tujhe āñkhoñ ko to ḳhūgar kar leñ

sunte haiñ hashr meñ dīdār ḳhudā kā hogā

ne.amat-e-faqr kī lazzat kuchh usī se pūchho

sāhab-e-faqr ko jis ne kabhī dekhā hogā

sair dikhlā.egī tāsīr-e-mohabbat pas-e-marg

qabr par merī parī-zādoñ kā melā hogā

aa gayā teġh-ba-kaf vo mirā qātil 'akbar'

aaj to mere taḌapne kā tamāsha hogā

jis ne ai rashk-e-pari tujh ko na dekha hoga

aadmi ho ki malak aankh ka andha hoga

ki nazar apni haqiqat pe to sabit ye hua

ye wahi qatra hai ek roz jo dariya hoga

naqsh agar hai to hai naqqash ka hona bhi zarur

anjuman hai to koi anjuman-ara hoga

dekh kar hum tujhe aankhon ko to KHugar kar len

sunte hain hashr mein didar KHuda ka hoga

neamat-e-faqr ki lazzat kuchh usi se puchho

sahab-e-faqr ko jis ne kabhi dekha hoga

sair dikhlaegi tasir-e-mohabbat pas-e-marg

qabr par meri pari-zadon ka mela hoga

aa gaya tegh-ba-kaf wo mera qatil 'akbar'

aaj to mere taDapne ka tamasha hoga