Sufinama

ہورہا ہے اِدھر تمہارا رُخ

شاہ محسن داناپوری

ہورہا ہے اِدھر تمہارا رُخ

شاہ محسن داناپوری

MORE BYشاہ محسن داناپوری

    ہورہا ہے اِدھر تمہارا رُخ

    پھر بدلنے کو ہے ہوا کا رخ

    میرے دل میں میری نظر میں ہے

    شیخ اکبر ابو العلا کا رُخ

    سب بدل جائیں پر نہ بدلے گا

    تاجدارانِ ہل اتّی کا رُخ

    آگئی راس بے رخی ان کی

    دفعتاً پھر گیا ہوا کا رخ

    بات کرتا نہیں کوئی رخ سے

    یار بدلا ہے جب سے تیرا رخ

    جس نے دنیا سے منہ کو پھیر لیا

    ہے اسی کی طرف خُدا کا رخ

    صاف بدلا ہوا نظر آیا

    ہجر میں یار آشنا کارُخ

    چاند نے منہ چھپا لیا اپنا

    ماہ رخ دیکھ کر تمہارا رخ

    کر لو اس کا بھی تجربہ محسنؔ

    دیکھ لو یارِ خود نما کا رخ

    مأخذ :
    • کتاب : کلیات محسن
    • Author : شاہ محسن داناپوری

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے