gham-e-judai ko hum jaanen ya KHuda jaane

ġham-e-judā.ī ko ham jāneñ yā ḳhudā jaane

balā-kashoñ pe jo guzrī tirī balā jaane

marīz-e-ishq kā darmāñ abas kare hai tū

davā hamārī arastū bhalā tū kyā jaane

sabā agarche shagufta kare hazāroñ gul

is ek ġhuncha-e-dil ko vo kab khulā jaane

uThā rahī hai jafā terī apne dar se mujhe

maiñ uTh to jā۔ūñ agar ve mirī vafā jaane

paḌā ho jis ko sarokār ishq se aakar

vo jiite jī miyāñ paane ta.iiñ moh jaane

kisī ne āñkhoñ se dekhā hai bin habāb koī

ki apnā aap palak mārte miTā jaane

'niyāz' manzil-e-maqsūd ko vahī pahuñche

jo koī shāh-e-najaf apnā rahnumā jaane

gham-e-judai ko hum jaanen ya KHuda jaane

bala-kashon pe jo guzri teri bala jaane

mariz-e-ishq ka darman abas kare hai tu

dawa hamari arastu bhala tu kya jaane

saba agarche shagufta kare hazaron gul

is ek ghuncha-e-dil ko wo kab khula jaane

uTha rahi hai jafa teri apne dar se mujhe

main uTh to ja۔un agar we meri wafa jaane

paDa ho jis ko sarokar ishq se aakar

wo jite ji miyan pane tain moh jaane

kisi ne aankhon se dekha hai bin habab koi

ki apna aap palak marte miTa jaane

'niyaz' manzil-e-maqsud ko wahi pahunche

jo koi shah-e-najaf apna rahnuma jaane