jis yar ki ho yaad mein ghar-bar faramosh

jis yaar kī ho yaad meñ ghar-bār farāmosh

hotā hai koī dil se vo dil-dār farāmosh

jo mast haiñ tujh dars ke ai sāqī-e-sarshār

ho kyuuñ na unheñ ḳhāna-e-ḳhammār farāmosh

gar bāda-e-tauhīd piyeñ ahl-e-mashārib

haftād-o-do millat kī ho takrār farāmosh

parde ko Tuk ik muñh se agar yaar uThā de

ho jāveñ za-ḳhud mardum-e-hushiyār farāmosh

ye chehra-e-zebā jo barahman kabhī dekhe

ho jaa.e use but kī parastār farāmosh

gar kabk-e-darī chaal tirī bāñkī ye dekhe

rah jaa.e achuk aur kare raftār farāmosh

jab dil meñ khīñchā 'niyāz' ke tujh husn kā naqsha

ho kyuuñ na use sūrat-e-aġhyār farāmosh

jis yar ki ho yaad mein ghar-bar faramosh

hota hai koi dil se wo dil-dar faramosh

jo mast hain tujh dars ke ai saqi-e-sarshaar

ho kyun na unhen KHana-e-KHammar faramosh

gar baada-e-tauhid piyen ahl-e-mashaarib

haftad-o-do millat ki ho takrar faramosh

parde ko Tuk ek munh se agar yar uTha de

ho jawen za-KHud mardum-e-hushiyar faramosh

ye chehra-e-zeba jo barahman kabhi dekhe

ho jae use but ki parastar faramosh

gar kabk-e-dari chaal teri banki ye dekhe

rah jae achuk aur kare raftar faramosh

jab dil mein khincha 'niyaz' ke tujh husn ka naqsha

ho kyun na use surat-e-aghyar faramosh