jab bar dar-e-dil hazrat-e-ishq aan pukare

jab bar dar-e-dil hazrat-e-'ishq aan pukāre

gosha huī 'aql aur hue ausān kināre

baazī vahī le jā.egā is khel meñ ai dil

jo pahle kaTā mohara jaan apnī ko haare

gar husn meñ ham-sar haiñ tumhāre mah-o-ḳhurshīd

din raat ye kyuuñ hote haiñ qurbān tumhāre

jo silsila-e-zulf ke haiñ dast-girifta

phirte haiñ sarāsīma pareshān bechāre

pal maare to Duube hai abhī zouraq-e-gardūñ

tūfāñ pe haiñ ye dīda-e-giriyān hamāre

gar rustam-o-suhrāb haiñ aise hī dilāvar

hoveñ to bhalā 'ishq ke maidāñ meñ utāre

kal daura majnūñ thā 'niyāz' aaj hai apnā

naubat ke baje bar-sar-e-daurān naqqāre

jab bar dar-e-dil hazrat-e-'ishq aan pukare

gosha hui 'aql aur hue ausan kinare

bazi wahi le jaega is khel mein ai dil

jo pahle kaTa mohara jaan apni ko haare

gar husn mein ham-sar hain tumhaare mah-o-KHurshid

din raat ye kyun hote hain qurban tumhaare

jo silsila-e-zulf ke hain dast-girifta

phirte hain sarasima pareshan bechaare

pal mare to Dube hai abhi zouraq-e-gardun

tufan pe hain ye dida-e-giriyan hamare

gar rustam-o-suhrab hain aise hi dilawar

howen to bhala 'ishq ke maidan mein utare

kal daura majnun tha 'niyaz' aaj hai apna

naubat ke baje bar-sar-e-dauran naqqare