kaDke jo mera nala-e-shab-gir hawa par

kaḌke jo mirā nāla-e-shab-gīr havā par

jal jāvai vahīñ barq kī shamshīr havā par

uḌte hue dekhā jo dil-e-vahshī ko ġham se

khā pech uḌī zulf kī zanjīr havā par

be-kār falak se nahīñ ye TakTakī laagī

khīñche hai tasavvur mirā tasvīr havā par

kyūñkar na chaleñ gulshan-e-duniyā meñ ye luueñ

ho ga.ī hai miyāñ aah kī tāsīr havā par

yaañ dam kā bharosā nahīñ tadbīr se hāsil

kartā hai divāne koī ta.amīr havā par

baare kaho tum ishq ko kis taur na rove

hai in dinoñ dūd-e-dil-e-dil-gīr havā par

kaDke jo mera nala-e-shab-gir hawa par

jal jawai wahin barq ki shamshir hawa par

uDte hue dekha jo dil-e-wahshi ko gham se

kha pech uDi zulf ki zanjir hawa par

be-kar falak se nahin ye TakTaki lagi

khinche hai tasawwur mera taswir hawa par

kyunkar na chalen gulshan-e-duniya mein ye luen

ho gai hai miyan aah ki tasir hawa par

yan dam ka bharosa nahin tadbir se hasil

karta hai diwane koi tamir hawa par

bare kaho tum ishq ko kis taur na rowe

hai in dinon dud-e-dil-e-dil-gir hawa par