Sufinama

tere naz mein wo asar kahan jo asar mere niyaz mein

Wali Warsi

tere naz mein wo asar kahan jo asar mere niyaz mein

Wali Warsi

MORE BYWali Warsi

    tere naaz meñ vo asar kahāñ jo asar mere niyāz meñ

    tere husn meñ vo taḌap kahāñ jo taḌap hai mere gudāz meñ

    ye kamāl hai ye tilism mire ishq-e-sho.abada-bāz meñ

    na kashish rahī tere husn meñ na asar rahā tire naaz meñ

    mujhe aish-o-ġham meñ ġharaz nahīñ agar aarzū hai to hai yahī

    ki umañg ban ke chhupā rahe koī dil ke parda-e-rāz meñ

    terī barq-e-husn ne kyā kiyā ki miTā lazzat-e-zindagī

    na rahīñ vo pahlī harārateñ mere dil ke soz-o-gudāz meñ

    maiñ jo rehn-e-yād-e-butāñ rahā mujhe zindagī mazā milā

    ki chhupī haqīqat-e-ishq hai isī kā.enāt-e-majāz meñ

    tere naz mein wo asar kahan jo asar mere niyaz mein

    tere husn mein wo taDap kahan jo taDap hai mere gudaz mein

    ye kamal hai ye tilism mere ishq-e-shoabada-baz mein

    na kashish rahi tere husn mein na asar raha tere naz mein

    mujhe aish-o-gham mein gharaz nahin agar aarzu hai to hai yahi

    ki umang ban ke chhupa rahe koi dil ke parda-e-raaz mein

    teri barq-e-husn ne kya kiya ki miTa di lazzat-e-zindagi

    na rahin wo pahli hararaten mere dil ke soz-o-gudaz mein

    main jo rehn-e-yaad-e-butan raha mujhe zindagi ka maza mila

    ki chhupi haqiqat-e-ishq hai isi kaenat-e-majaz mein

    Source :
    • Book : Tazkira Shora-e-Warsia (Pg. 188)
    • Publication : Fine Books Printers (1993)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now