Sufinama

wahan pahunch ke ye kahna saba salam ke baad

Aasi Ghazipuri

wahan pahunch ke ye kahna saba salam ke baad

Aasi Ghazipuri

MORE BYAasi Ghazipuri

    vahāñ pahuñch ke ye kahnā sabā salām ke ba.ad

    ki tere naam raT hai ḳhudā ke naam ke ba.ad

    shab-e-visāl bayān-e-ġham-e-firāq abas

    fuzūl hai gila-e-zaḳhm iltiyām ke ba.ad

    vahāñ bhī va.ada-e-dīdār is tarah Taalā

    ki ḳhaas log talab hoñge bār-e-ām ke ba.ad

    gunāhgār sun lo to saaf saaf ye hai

    ki lutf-e-rahm-o-karam kiyā phir intiqām ke ba.ad

    talab tamām ho matlūb agar had ho

    lagā huā hai yahāñ kuuch har maqām ke ba.ad

    vo ḳhat vo chehra vo zulf-e-siyāh to dekho

    ki shaam sub.h ke ba.ad aa.e sub.h shaam ke ba.ad

    tujhe kahe kyūñkar na ġhairat-e-īsā

    rahā na hosh kisī ko tire kalām ke ba.ad

    payāmbar ko ravāna kiyā to rashk aayā

    na ham-kalām ho us se mire kalām ke ba.ad

    tamām hoñ abhī jhagḌe ye lan-tarānī ke

    dikhā do jalva ḳhudā-rā agar kalām ke ba.ad

    abhī to dekhte haiñ zarf bāda-ḳhvāroñ

    subū-o-ḳhum bhī Thahregī daur jaam ke ba.ad

    ilāhī 'āsī'-e-betāb kis se chhūTā hai

    ki ḳhat meñ roz-e-qayāmat likhā hai naam ke ba.ad

    wahan pahunch ke ye kahna saba salam ke baad

    ki tere nam ki raT hai KHuda ke nam ke baad

    shab-e-visal bayan-e-gham-e-firaq abas

    fuzul hai gila-e-zaKHm iltiyam ke baad

    wahan bhi wada-e-didar is tarah Tala

    ki KHas log talab honge bar-e-am ke baad

    gunahgar ki sun lo to saf saf ye hai

    ki lutf-e-rahm-o-karam kiya phir intiqam ke baad

    talab tamam ho matlub ki agar had ho

    laga hua hai yahan kuch har maqam ke baad

    wo KHat wo chehra wo zulf-e-siyah to dekho

    ki sham subh ke baad aae subh sham ke baad

    tujhe kahe kyunkar na ghairat-e-isa

    raha na hosh kisi ko tere kalam ke baad

    payambar ko rawana kiya to rashk aaya

    na ham-kalam ho us se mere kalam ke baad

    tamam hon abhi jhagDe ye lan-tarani ke

    dikha do jalwa KHuda-ra agar kalam ke baad

    abhi to dekhte hain zarf baada-KHwaron ka

    subu-o-ḳhum ki bhi Thahregi daur jam ke baad

    ilahi 'asi'-e-betab kis se chhuTa hai

    ki KHat mein roz-e-qayamat likha hai nam ke baad

    Source :
    • Book : Diwan-e-aasi (Pg. 26)
    • Author : Aasi Ghazipuri
    • Publication : Subhanallah Azeem Gorakhpuri (1938)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now