wo aur hoñge jinko haram kī talāsh hai
vo aur hoñge jin ko haram kī talāsh hai
mujh ko to tere naqsh-e-qadam kī talāsh hai
maiñ to gunāhgār-e-mohabbat huuñ ai sanam
mujh ko tirī nigāh-e-karam kī talāsh hai
zāhid sanam-kada merī manzil nahīñ magar
āshiq huuñ mujh ko apne sanam kī talāsh hai
maiñ terā ho chukā huuñ zamāne se kyā ġharaz
ai jān-e-jāñ mujhe tire ġham kī talāsh hai
zāhid talāsh kartā huuñ apne sanam ko maiñ
tujh ko sanam ke badle iram kī talāsh hai
le kar haram meñ shaiḳh gayā diin kī talab
panDit ko but-kade meñ dharam kī talāsh hai
ham āshiqoñ kā kyā hai ye marzī hai yaar kī
un kā sitam mile to sitam kī talāsh hai
merā dharam yahī hai ki mil jaa.e tū mujhe
terī hī justujū meñ haram kī talāsh hai
maiñ to 'fanā' huuñ ishq meñ ai jaan kyā kaheñ
tum jo atā karo usī ġham kī talāsh hai
wo aur hoñge jin ko haram kī talāsh hai
mujh ko to tere naqsh-e-qadam kī talāsh hai
maiñ to gunāhgār-e-mohabbat huñ ai sanam
mujh ko tirī nigāh-e-karam kī talāsh hai
zāhid sanam-kada merī manzil nahīñ magar
āshiq huñ mujh ko apne sanam kī talāsh hai
maiñ terā ho chukā huñ zamāne se kyā ġharaz
ai jān-e-jāñ mujhe tere ġham kī talāsh hai
zāhid talāsh kartā huñ apne sanam ko maiñ
tujh ko sanam ke badle iram kī talāsh hai
le kar haram meñ shaiḳh gayā din kī talab
panDit ko but-kade meñ dharam kī talāsh hai
hum āshiqoñ kā kyā hai ye marzī hai yar kī
un kā sitam mile to sitam kī talāsh hai
merā dharam yahī hai ki mil jae tū mujhe
terī hī justujū meñ haram kī talāsh hai
maiñ to 'fanā' huñ ishq meñ ai jaan kyā kaheñ
tum jo atā karo usī ġham kī talāsh hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.