دیوانے کا جالینوس کی طرف توجہ کرنا۔ دفتردوم
دلچسپ معلومات
ترجمہ: مرزا نظام شاہ لبیب
جالینوس نے اپنے شاگردوں سےکہا کہ مجھ کو فلاں دوا نکال دو۔ ایک شاگرد نے اس سے پوچھا کہ حضرت! یہ دوا تو جنون میں دی جاتی ہے۔ جان سے دور، بھلا یہ دوا آپ کھائیں گے؟ کہا کہ ہاں! میری طرف ایک دیوانہ متوجہ ہوا تھا۔ وہ تھوڑی دیر تک تو مجھے گھورتا رہا۔ پھر مجھے آنکھ ماری اور اس کے بعد میری آستین پھاڑ ڈالی۔ اگر مجھ میں کوئی ہم جنسی کی بات نہ پاتا تو وہ میری طرف رخ ہی کیوں کرتا۔ جب دو شخص آپس میں ملیں تو یقین کرنا چاہئے کہ ان میں کوئی مشترک نسبت موجود ہے۔ کوئی پرند بغیر اپنے ہم جنس غول کے کب اڑتا ہے۔
اس کی تمثیل میں ایک شخص نے بیان کیا کہ میں نے ایک بیابان میں کوّے اور کلنگ کو بڑے چاؤ سے پاس پاس بیٹھے دیکھا ۔میں یہ حال دیکھ کر اس فکر میں ڈوب گیا کہ ان میں مشترک تعلق کیاہوگا۔ اسی حیرت میں جب میں ان کے نزدیک پہنچا تو میں نے دیکھا کہ وہ دونوں لنگڑے تھے۔
- کتاب : حکایات رومی حصہ اول (Pg. 76)
- مطبع : انجمن ترقی اردو (ہند) (1945)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.