ai murshid-e-tariqat KHush-rang rang rang de

ai murshid-e-tarīqat ḳhush-rañg rañg rañg de

dhul jaa.e naqsh-e-kasrat ḳhush-rañg rañg rañg de

dil meñ surūr aa.e āñkhoñ meñ nuur aa.e

ho shoḳh jis kī rañgat ḳhush-rañg rañg rañg de

yā to sharāb de de varna javāb de de

yā sāqī-e-tarīqat ḳhush-rañg rañg rañg de

vā'iz kā hai bahāna hūroñ se dil lagānā

māñge hai kaun jannat ḳhush-rañg rañg rañg de

barsoñ ḳhumār aa.e jis kā nasha na jaa.e

de aisā jām-e-sharbat ḳhush-rañg rañg rañg de

rañgīn rañg vaale jo rañg hoñ sajā.e

kHush-fām ḳhūb-sūrat ḳhush-rañg rañg rañg de

ai hādī-e-tarīqat 'akbar' pe ho 'ināyat

ho jaa.e ġharq-e-vahdat ḳhush-rañg rañg rañg de

ai murshid-e-tariqat KHush-rang rang rang de

dhul jae naqsh-e-kasrat KHush-rang rang rang de

dil mein surur aae aankhon mein nur aae

ho shoKH jis ki rangat KHush-rang rang rang de

ya to sharab de de warna jawab de de

ya saqi-e-tariqat KHush-rang rang rang de

wa'iz ka hai bahana huron se dil lagana

mange hai kaun jannat KHush-rang rang rang de

barson KHumar aae jis ka nasha na jae

de aisa jam-e-sharbat KHush-rang rang rang de

rangin rang wale jo rang hon sajae

kHush-fam KHub-surat KHush-rang rang rang de

ai hadi-e-tariqat 'akbar' pe ho 'inayat

ho jae gharq-e-wahdat KHush-rang rang rang de