allah allah wo jamal-e-dil-fareb

allāh allāh vo jamāl-e-dil-fareb

mahfil-e-kaunain hai mahfil-e-fareb

ḳhud-farebī hai ġham-e-maut-o-hayāt

ab vo dariyā ho ki ho sāhil fareb

maiñ jahāñ bhī huuñ vahīñ manzil bhī hai

varna har jaada har ek manzil fareb

qais par bhī ye haqīqat khul ga.ī

ḳhud hai lailā mahmil-o-mahmil-fareb

ishq mushkil hai na ishq āsān hai

ishq meñ āsāni-o-mushkil fareb

iztirāb-e-ishq meñ gum haiñ jihāt

imteyāz-e-bismil-o-qatil fareb

haq to ye hai be mohabbat zindagī

ḳhud fareb-e-bātil-o-batil fareb

har tamannā ishq meñ harf-e-ġhalat

āshiqī meñ mānī-e-hāsil fareb

ye ḳhudā.ī bandagī meñ ai 'zhīn'

ye fareb-e-kāmil-o-kāmil fareb

allah allah wo jamal-e-dil-fareb

mahfil-e-kaunain hai mahfil-e-fareb

KHud-farebi hai gham-e-maut-o-hayat

ab wo dariya ho ki ho sahil fareb

main jahan bhi hun wahin manzil bhi hai

warna har jada har ek manzil fareb

qais par bhi ye haqiqat khul gai

KHud hai laila mahmil-o-mahmil-fareb

ishq mushkil hai na ishq aasan hai

ishq mein aasani-o-mushkil fareb

iztirab-e-ishq mein gum hain jihat

imteyaz-e-bismil-o-qatil fareb

haq to ye hai be mohabbat zindagi

KHud fareb-e-baatil-o-batil fareb

har tamanna ishq mein harf-e-ghalat

aashiqi mein mani-e-hasil fareb

ye KHudai bandagi mein ai 'zhin'

ye fareb-e-kaamil-o-kaamil fareb