manzil hai pichhe aur chala ja raha hun main

manzil hai pīchhe aur chalā jā rahā huuñ maiñ

har gaam par fareb-e-havas khā rahā huuñ maiñ

ik husn-e-barq-pāsh idhar aur udhar sharāb

dānista talḳhiyoñ meñ ghirā jā rahā huuñ maiñ

manzil hai merī arsh kī manzil ke us taraf

us pastī-e-nigāh pe sharmā rahā huuñ maiñ

jām-e-sharāb haath meñ pahlū meñ āftāb

duniyā-e-kaif-o-nūr pe lahrā rahā huuñ maiñ

ye kis ne ġham kā rog atā kar diyā mujhe

siine meñ hasratoñ ko javāñ pā rahā huuñ meñ

kho gayā thā un kī nigāhoñ ke aas paas

nīñdoñ kī vādiyoñ se chalā aa rahā huuñ maiñ

'altāf' dāstān-e-mohabbat hai aur aañkh

ḳhāmosh hai zabān kahe jā rahā huuñ maiñ

manzil hai pichhe aur chala ja raha hun main

har gam par fareb-e-hawas kha raha hun main

ek husn-e-barq-pash idhar aur udhar sharab

danista talKHiyon mein ghira ja raha hun main

manzil hai meri arsh ki manzil ke us taraf

us pasti-e-nigah pe sharma raha hun main

jam-e-sharab hath mein pahlu mein aaftab

duniya-e-kaif-o-nur pe lahra raha hun main

ye kis ne gham ka rog ata kar diya mujhe

sine mein hasraton ko jawan pa raha hun mein

kho gaya tha un ki nigahon ke aas pas

nindon ki wadiyon se chala aa raha hun main

'altaf' dastan-e-mohabbat hai aur aankh

KHamosh hai zaban kahe ja raha hun main