Sufinama

ye bhari bazm ye ahbab kahan phir honge

Altaf Mashhadi

ye bhari bazm ye ahbab kahan phir honge

Altaf Mashhadi

MORE BYAltaf Mashhadi

    ye bharī bazm ye ahbāb kahāñ phir hoñge

    dil ke bahlāne ke asbāb kahāñ phir hoñge

    nikhat-o-nūr meñ Duubī huī raato afsos

    ye fusūñ-kāro hasīñ ḳhvāb kahāñ phir hoñge

    tīra-baḳhtī mujhe āġhosh meñ legī baḌh kar

    jalva-hā-e-rukH-e-mahtāb kahāñ phir hoñge

    maiñ paḌā hūñgā kahīñ duur bayābānoñ meñ

    mere sāthī mere ahbāb kahāñ phir hoñge

    ek barbād javānī pe jo roye barsoñ

    aah vo dīda-e-pur-āb kahāñ phir hoñge

    maut ke sard dhuñdlakoñ meñ utar jā.uñgā

    zindagānī ke ye asbāb kahāñ phir hoñge

    ab mirī yaad meñ 'altāf' jo ḳhuuñ rote haiñ

    mujh se milne ko vo be-tāb kahāñ phir hoñge

    ye bhari bazm ye ahbab kahan phir honge

    dil ke bahlane ke asbab kahan phir honge

    nikhat-o-nur mein Dubi hui raato afsos

    ye fusun-karo hasin KHwab kahan phir honge

    tira-baKHti mujhe aaghosh mein legi baDh kar

    jalwa-ha-e-rukH-e-mahtab kahan phir honge

    main paDa hunga kahin dur bayabanon mein

    mere sathi mere ahbab kahan phir honge

    ek barbaad jawani pe jo roye barson

    aah wo dida-e-pur-ab kahan phir honge

    maut ke sard dhundlakon mein utar jaunga

    zindagani ke ye asbab kahan phir honge

    ab meri yaad mein 'altaf' jo KHun rote hain

    mujh se milne ko wo be-tab kahan phir honge

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now