Sufinama

har jam mein hai jalwa-e-mastana kisi ka

Ameer Minai

har jam mein hai jalwa-e-mastana kisi ka

Ameer Minai

MORE BYAmeer Minai

    har jaam meñ hai jalva-e-mastāna kisī

    mai-ḳhāna hamārā hai jilau-ḳhāna kisī

    jis aañkh ko dekhā hai jilau-ḳhāna kisī

    jis dil pe nazar vo hai kāshāna kisī

    jab dekhte haiñ abr-e-siyah kahte haiñ ham mast

    jaatā hai ye uḌtā huā mai-ḳhāna kisī

    zulf laa.ī jo sabā maiñ ne ye jaanā

    dil lene ko aayā hai ye bai.āna kisī

    badlī hai ki mai-ḳhāna hai bijlī hai ki mai hai

    ye ra.ad hai na.ara-e-mastāna kisī

    le chal mujhe us qātil-e-a.alam galī meñ

    kuchh kaam kar ai himmat-e-mardāna kisī

    saaqī na dikhā bahr-e-ḳhudā sāġhar-e-ḳhālī

    labrez huā jaatā hai paimāna kisī

    ye husn ke bāzār meñ kyā TuuT paḌī hai

    sau dete haiñ phirtā nahīñ bai.āna kisī

    ai tāle'-e-bedār maiñ sotā huuñ ḳhabar-dār

    pahlū se mere ho na judā shāna kisī

    kyā tum se kahūñ dil ḳharābī maiñ ahvāl

    barbād ho allāh ghar aisā na kisī

    farhād pe kyā guzrī jo mujh par nahīñ guzrī

    maiñ apne sivā kyuuñ kahūñ afsāna kisī

    kuchh aur baḌhā detī hai us husn mastī

    ye aarsī chhoTā hai paimāna kisī

    āvāz-e-parī suur āvāz ko samjhā

    mahshar meñ hai mast au bhī dīvāna kisī

    nādān samajhte haiñ ki baḌ maar rahā hai

    kyā jāniye kis dhun meñ hai dīvāna kisī

    mastoñ meñ kisī ke dil-e-badmast ko DhūñDo

    hogā unhīñ dīvānoñ meñ dīvāna kisī

    hotī hai jagah ganj vīrāna hamesha

    jo dil hai shikasta vo hai kāshāna kisī

    niklā hai kisī sham.a-e-jahāñ soz dhun meñ

    ḳhurshīd-e-qayāmat bhī hai parvāna kisī

    kyūñkar na suneñ shauq se gul kaan lagā kar

    murġhān-e-chaman kahte haiñ afsāna kisī

    vo husn hai allāh qudrat tamāshā

    rañg aur butoñ se hai judāgāna kisī

    be-kār 'amīr' apne dil-o-dīda nahīñ haiñ

    ā.īna kisī hai ye vo shāna kisī

    har jam mein hai jalwa-e-mastana kisi ka

    mai-KHana hamara hai jilau-KHana kisi ka

    jis aankh ko dekha hai jilau-KHana kisi ka

    jis dil pe nazar ki wo hai kashana kisi ka

    jab dekhte hain abr-e-siyah kahte hain hum mast

    jata hai ye uDta hua mai-KHana kisi ka

    bu zulf ki lai jo saba main ne ye jaana

    dil lene ko aaya hai ye baiana kisi ka

    badli hai ki mai-KHana hai bijli hai ki mai hai

    ye rad hai ya nara-e-mastana kisi ka

    le chal mujhe us qatil-e-alam ki gali mein

    kuchh kaam kar ai himmat-e-mardana kisi ka

    saqi na dikha bahr-e-KHuda saghar-e-KHali

    labrez hua jata hai paimana kisi ka

    ye husn ke bazar mein kya TuT paDi hai

    sau dete hain phirta nahin baiana kisi ka

    ai tale'-e-bedar main sota hun KHabar-dar

    pahlu se mere ho na juda shana kisi ka

    kya tum se kahun dil ki KHarabi ka main ahwal

    barbaad ho allah ghar aisa na kisi ka

    farhad pe kya guzri jo mujh par nahin guzri

    main apne siwa kyun kahun afsana kisi ka

    kuchh aur baDha deti hai us husn ki masti

    ye aarsi chhoTa sa hai paimana kisi ka

    aawaz-e-pari sur ki aawaz ko samjha

    mahshar mein hai mast au bhi diwana kisi ka

    nadan samajhte hain ki baD mar raha hai

    kya jaaniye kis dhun mein hai diwana kisi ka

    maston mein kisi ke dil-e-badmast ko DhunDo

    hoga unhin diwanon mein diwana kisi ka

    hoti hai jagah ganj ki virana hamesha

    jo dil hai shikasta wo hai kashana kisi ka

    nikla hai kisi shama-e-jahan soz ki dhun mein

    KHurshid-e-qayamat bhi hai parwana kisi ka

    kyunkar na sunen shauq se gul kan laga kar

    murghan-e-chaman kahte hain afsana kisi ka

    wo husn hai allah ki qudrat ka tamasha

    rang aur buton se hai judagana kisi ka

    be-kar 'amir' apne dil-o-dida nahin hain

    aaina kisi ka hai ye wo shana kisi ka

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now