Sufinama

nahin mumkin rasai la-makan tak

Ameer Minai

nahin mumkin rasai la-makan tak

Ameer Minai

MORE BYAmeer Minai

    nahīñ mumkin rasā.ī lā-makāñ tak

    nishāñ kis tarah pahuñche be-nishāñ tak

    tirī saffākiyāñ pahuñchīñ yahāñ tak

    ki Dartī hai hayāt-e-jāvidāñ tak

    karūñ zabt-e-nafas hamdam kahāñ tak

    lagī hai aag ik dil se zabāñ tak

    pahuñch jaa.e agar mujh saḳht-jāñ tak

    to māñge maut marg-e-nā-gahāñ tak

    maiñ huuñ vo nā-tavāñ jab aah khīñchī

    to Thahrī sau jagah dil se zabāñ tak

    kaḌī hai is qadar manzil adam

    ki mar mar kar pahuñchte haiñ vahāñ tak

    bahār āḳhir hai aur maiñ be-par-o-bāl

    qafas se Daak baiThe āshiyāñ tak

    maiñ huuñ is anjuman meñ sham-e-tasvīr

    ki soz-e-dil nahīñ aatā zabāñ tak

    hazāroñ hasratoñ ho gayā ḳhuuñ

    kahāñ tak pās-e-rusvā.ī kahāñ tak

    mirī vāmāñdgī kahtī hai mujh se

    pahuñchnā ho chukā ab kārvāñ tak

    ġhash aayā zāhid-o-masjid meñ be-mai

    chalo lekar mujhe pīr-e-muġhāñ tak

    tire qurbān ai betābī-e-dil

    mujhe pahuñchā de us ke āstāñ tak

    makān-e-yār tak qāsid na pahuñchā

    ga.e kaise payambar lā-makāñ tak

    bahut zor par hai vasl shauq

    nazākat aaḌe aa.egī kahāñ tak

    maiñ vo dil-soḳhta huuñ is chaman meñ

    jale bijlī jo aa.e āshiyāñ tak

    nahīñ kuchh teġh-e-qātil kashīda

    ḳhafā hai mujh se marg-e-nā-gahāñ tak

    na paa.ī gard nāloñ ne asar

    zamīñ se ḳhaak chhānī āsmāñ tak

    jo yuuñ aane na de us galī meñ

    to pahuñchūñ ḳhvāb ban kar pāsbāñ tak

    taḌapne se mere tañg aake bole

    tasallī de koī tujh ko kahāñ tak

    kahāñ ham ai 'amīr' ab aur kahāñ 'dāġh'

    ye jalse ho chuke ḳhuld-āshiyāñ tak

    nahin mumkin rasai la-makan tak

    nishan kis tarah pahunche be-nishan tak

    teri saffakiyan pahunchin yahan tak

    ki Darti hai hayat-e-jawidan tak

    karun zabt-e-nafas hamdam kahan tak

    lagi hai aag ek dil se zaban tak

    pahunch jae agar mujh saKHt-jaan tak

    to mange maut marg-e-na-gahan tak

    main hun wo na-tawan jab aah khinchi

    to Thahri sau jagah dil se zaban tak

    kaDi hai is qadar manzil adam ki

    ki mar mar kar pahunchte hain wahan tak

    bahaar aaKHir hai aur main be-par-o-baal

    qafas se Dak baiThe aashiyan tak

    main hun is anjuman mein sham-e-taswir

    ki soz-e-dil nahin aata zaban tak

    hazaron hasraton ka ho gaya KHun

    kahan tak pas-e-ruswai kahan tak

    meri wamandgi kahti hai mujh se

    pahunchna ho chuka ab karwan tak

    ghash aaya zahid-o-masjid mein be-mai

    chalo lekar mujhe pir-e-mughan tak

    tere qurban ai betabi-e-dil

    mujhe pahuncha de us ke aastan tak

    makan-e-yar tak qasid na pahuncha

    gae kaise payambar la-makan tak

    bahut hi zor par hai wasl ka shauq

    nazakat aaDe aaegi kahan tak

    main wo dil-soKHta hun is chaman mein

    jale bijli jo aae aashiyan tak

    nahin kuchh tegh-e-qatil hi kashida

    KHafa hai mujh se marg-e-na-gahan tak

    na pai gard nalon ne asar ki

    zamin se KHak chhani aasman tak

    jo yun aane na de us ki gali mein

    to pahunchun KHwab ban kar pasban tak

    taDapne se mere tang aake bole

    tasalli de koi tujh ko kahan tak

    kahan hum ai 'amir' ab aur kahan 'dagh'

    ye jalse ho chuke KHuld-ashiyan tak

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now