Sufinama

kahta hai kaun aah mein apni asar nahin

Ameer Minai

kahta hai kaun aah mein apni asar nahin

Ameer Minai

MORE BYAmeer Minai

    kahtā hai kaun aah meñ apnī asar nahīñ

    haañ dil dukhe kisī ye madd-e-nazar nahīñ

    āh-e-sharar-fashāñ meñ hamārī asar nahīñ

    phūlā huā daraḳht hai lekin samar nahīñ

    aise haiñ mast bāda-e-husn-o-jamāl se

    merī ḳhabar kahāñ unheñ apnī ḳhabar nahīñ

    ham be-qarār loTte haiñ kab se ḳhaak par

    āsūdgān-e-ḳhāk tumheñ kuchh ḳhabar nahīñ

    mahfil meñ sham.a baaġh meñ shabnam falak par abr

    kis hai aañkh jo mere mātam meñ tar nahīñ

    bosa jo sañg-e-dar ko diyā bol uThā vo shoḳh

    bande hai makān ḳhudā ye ghar nahīñ

    ghar jaane abhī se irāda na kījiye

    ye mere dard-e-dil chamak hai sahar nahīñ

    shaiḳh-e-haram haram meñ barahman hai dair meñ

    ham kis jagah haiñ kuchh hameñ apnī ḳhabar nahīñ

    afsurdagī vahī hai hamārī pas-e-fanā

    sañg-e-mazār meñ bhī hamāre sharar nahīñ

    duniyā hai turfa mai-kada-e-be-kHudī 'amīr'

    sab mast haiñ kisī ko kisī ḳhabar nahīñ

    kahta hai kaun aah mein apni asar nahin

    han dil dukhe kisi ka ye madd-e-nazar nahin

    aah-e-sharar-fashan mein hamari asar nahin

    phula hua daraKHt hai lekin samar nahin

    aise hain mast baada-e-husn-o-jamal se

    meri KHabar kahan unhen apni KHabar nahin

    hum be-qarar loTte hain kab se KHak par

    aasudgan-e-KHak tumhein kuchh KHabar nahin

    mahfil mein shama bagh mein shabnam falak par abr

    kis ki hai aankh jo mere matam mein tar nahin

    bosa jo sang-e-dar ko diya bol uTha wo shoKH

    bande ka hai makan KHuda ka ye ghar nahin

    ghar jaane ka abhi se irada na kijiye

    ye mere dard-e-dil ki chamak hai sahar nahin

    shaiKH-e-haram haram mein barahman hai dair mein

    hum kis jagah hain kuchh hamein apni KHabar nahin

    afsurdagi wahi hai hamari pas-e-fana

    sang-e-mazar mein bhi hamare sharar nahin

    duniya hai turfa mai-kada-e-be-kHudi 'amir'

    sab mast hain kisi ko kisi ki KHabar nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now