Sufinama

ulfat mein barabar hai wafa ho ki jafa ho

Ameer Minai

ulfat mein barabar hai wafa ho ki jafa ho

Ameer Minai

MORE BYAmeer Minai

    ulfat meñ barābar hai vafā ho ki jafā ho

    har baat meñ lazzat hai agar dil meñ mazā ho

    ham tum hoñ shab-e-vasl akele to mazā ho

    ham se ho adab duur hayā tum se judā ho

    aa.e jo mirī laash pe vo tanz se bole

    ab maiñ huuñ ḳhafā tum se ki tum mujh se ḳhafā ho

    jo un se adā hotī hai kahtā hai mirā dil

    is parde meñ allāh kare merī qazā ho

    mehmān-e-chaman aaj hai merā gul-e-nāzuk

    kah do ki dabe paañv ravāñ bād-e-sabā ho

    ghabrā ke vo bole jo sunā shor-e-qiyāmat

    dekho mere āshiq janāza na uThā ho

    aa.e jo dam-e-naz.a kahā hañs ke sidhāro

    pariyoñ ko to chāhā bahut ab hūroñ ko chāho

    kyā shauq thā marqad se qiyāmat meñ pahuñchnā

    kahtā huā ab va'da-e-dīdār-e-vafā ho

    jhuñjhlā ke sazā deñ vo mujhe haath se apne

    aisī koī ai dil jo ḳhatā ho to mazā ho

    har rañg meñ hai yaar nayā rañg tumhārā

    be-parda jo shoḳhī ho to dar-parda hayā ho

    vahshat ko mirī saath mere dafn na karnā

    ghar ḳhāna-ḳharābī mere ghar se judā ho

    sūrat-e-dariyā hai habāb ahl-e-jahāñ haiñ

    terā hai tirī raah meñ sar jis fidā ho

    hañs hañs ke chhurī pher gale par mere qātil

    āḳhir taḌap hai ye kuchh is meñ to mazā ho

    nairañgī-e-husn un ye kahtī hai shab-e-vasl

    chitvan meñ sharārat ho to āñkhoñ meñ hayā ho

    rahm us dil-e-pur-dāġh par ai ulfat-e-mizhgāñ

    kāñToñ meñ na khīñch us ko jo phūloñ meñ tulā ho

    is vahm se guñdhvāne meñ choTī vo jhijhke

    mashshāta bahrūp na āshiq ne bharā ho

    uTh jaate haiñ mahfil se jo ho jaatī hai gul sham.a

    Darte haiñ ki mujh se na milī bād-e-sabā ho

    kyā rabt hai siine se khiñche tiir to paikāñ

    nāvik se judā ho mere dil se na judā ho

    laayā mah-e-nau badr ā.īna baġhal meñ

    itnā bhī na apnā koī mushtāq-e-laqā ho

    kyā haath meñ darkār 'amīr' un ko hai mehñdī

    chhū leñ gul-e-āriz to vahī rañg-e-hinā ho

    ulfat mein barabar hai wafa ho ki jafa ho

    har baat mein lazzat hai agar dil mein maza ho

    hum tum hon shab-e-wasl akele to maza ho

    hum se ho adab dur haya tum se juda ho

    aae jo meri lash pe wo tanz se bole

    ab main hun KHafa tum se ki tum mujh se KHafa ho

    jo un se ada hoti hai kahta hai mera dil

    is parde mein allah kare meri qaza ho

    mehman-e-chaman aaj hai mera gul-e-nazuk

    kah do ki dabe panw rawan baad-e-saba ho

    ghabra ke wo bole jo suna shor-e-qiyamat

    dekho mere aashiq ka janaza na uTha ho

    aae jo dam-e-naza kaha hans ke sidhaaro

    pariyon ko to chaha bahut ab huron ko chaho

    kya shauq tha marqad se qiyamat mein pahunchna

    kahta hua ab wa'da-e-didar-e-wafa ho

    jhunjhla ke saza den wo mujhe hath se apne

    aisi koi ai dil jo KHata ho to maza ho

    har rang mein hai yar naya rang tumhaara

    be-parda jo shoKHi ho to dar-parda haya ho

    wahshat ko meri sath mere dafn na karna

    ghar KHana-KHarabi ka mere ghar se juda ho

    tu surat-e-dariya hai habab ahl-e-jahan hain

    tera hai teri rah mein sar jis ka fida ho

    hans hans ke chhuri pher gale par mere qatil

    aaKHir ki taDap hai ye kuchh is mein to maza ho

    nairangi-e-husn un ki ye kahti hai shab-e-wasl

    chitwan mein shararat ho to aankhon mein haya ho

    rahm us dil-e-pur-dagh par ai ulfat-e-mizhgan

    kanTon mein na khinch us ko jo phulon mein tula ho

    is wahm se gundhwane mein choTi ki wo jhijhke

    mashshata ka bahrup na aashiq ne bhara ho

    uTh jate hain mahfil se jo ho jati hai gul shama

    Darte hain ki mujh se na mili baad-e-saba ho

    kya rabt hai sine se khinche tir to paikan

    nawik se juda ho mere dil se na juda ho

    laya mah-e-nau badr ka aaina baghal mein

    itna bhi na apna koi mushtaq-e-laqa ho

    kya hath mein darkar 'amir' un ko hai mehndi

    chhu len gul-e-ariz to wahi rang-e-hina ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now