be-KHud kiye dete hain andaz-e-hijabana

be-ḳhud kiye dete haiñ andāz-e-hijābāna

aa dil meñ tujhe rakh luuñ ai jalva-e-jānāna

itnā to karam karnā ai chashm-e-karīmāna

jab jaan laboñ par ho tum sāmne aa jaanā

kyuuñ aañkh milā.ī thī kyuuñ aag lagā.ī thī

ab ruḳh ko chhupā baiThe kar ke mujhe dīvāna

zāhid mere qismat meñ sajde haiñ usī dar ke

chhūTā hai na chhūTegā sañg-e-dar-e-jānāna

kyā lutf ho mahshar meñ maiñ shikve ka.e jā۔ūñ

vo hans ke kahe jaa.eñ dīvāna hai dīvāna

saaqī tere aate hī ye josh hai mastī kā

shīshe pe girā shīsha paimāne pe paimāna

ma.alūm nahīñ 'bedam' maiñ kaun huuñ aur kyā huuñ

yuuñ apnoñ meñ apnā huuñ begānoñ meñ begāna

be-KHud kiye dete hain andaz-e-hijabana

aa dil mein tujhe rakh lun ai jalwa-e-jaanana

itna to karam karna ai chashm-e-karimana

jab jaan labon par ho tum samne aa jaana

kyun aankh milai thi kyun aag lagai thi

ab ruKH ko chhupa baiThe kar ke mujhe diwana

zahid mere qismat mein sajde hain usi dar ke

chhuTa hai na chhuTega sang-e-dar-e-jaanana

kya lutf ho mahshar mein main shikwe kae ja۔un

wo hans ke kahe jaen diwana hai diwana

saqi tere aate hi ye josh hai masti ka

shishe pe gira shisha paimane pe paimana

malum nahin 'bedam' main kaun hun aur kya hun

yun apnon mein apna hun beganon mein begana