Sufinama

jab kisi mein tab-e-nazzara nahin pata hai tu

Ehsan Danish

jab kisi mein tab-e-nazzara nahin pata hai tu

Ehsan Danish

MORE BYEhsan Danish

    jab kisī meñ tāb-e-nazzāra nahīñ paatā hai

    kis liye phir sāmne aane se sharmātā hai

    ḳhvāb meñ jhallā ke tārīkī mire maqsūm

    chhupne vaale kaun chilman meñ chhup jaatā hai

    āñsuoñ meñ jhilmilātā hai tirā 'aks-e-jamīl

    nuur paare dīda-e-giryāñ se barsātā hai

    sub.h-dam ḳhurshīd zarrīñ kiran ke bhes meñ

    baaġh doshīza kaliyoñ ko hañsā jaatā hai

    chhāñv meñ tāroñ jab dam toḌ detī hai nigāh

    kahkashāñ se niiñd ban-ban kar utar aatā hai

    jab kabhī lagtī hai sāvan meñ ka.ī din jhaḌī

    vādī-e-dil meñ tajallī ban ke chhā jaatā hai

    pattī-pattī se sunā karatā huuñ terā zikr-e-ḳhair

    sub.h-dam-nāk-e-kHudā kaliyoñ ko chaTkātā hai

    TimTimāte dekhtā huuñ jab mazāroñ par charāġh

    zindagī meñ zindagī dard ban jaatā hai

    Dūbtā hai jab ghane bāġhoñ ke pīchhe āftāb

    ban ke sannāTā bayābānoñ pe chhā jaatā hai

    jab gulābī chāñdnī kartī hai ta.amīr-e-sahar

    surḳhiyāñ ban kar lab-e-bām-e-ufuq aatā hai

    jab ghane jañgal meñ chhā jaate haiñ bādal har taraf

    har taraf se dil ke armānoñ ko taḌpātā hai

    us būñdoñ se mas ho kar jo aatī hai nasīm

    niiñd ke maate junūñ ko gudgudā jaatā hai

    roz lachkā kar ufuq par mehar pahlī kiran

    mere maidān-e-basārat se nikal jaatā hai

    kyā mirī muztar nigāheñ haiñ tire ruḳh naqāb

    band kar letā huuñ jab āñkheñ nazar aatā hai

    sū-e-mashriq nuur ke chashme ubalte dekh kar

    yaad karatā huuñ tujhe maiñ yaad aa jaatā hai

    ab maiñ samjhā tere andāz-e-taġhāful sabab

    mujh ko dar-parda rumūz-e-'ishq samjhātā hai

    jab kisi mein tab-e-nazzara nahin pata hai tu

    kis liye phir samne aane se sharmata hai tu

    KHwab mein jhalla ke tariki mere maqsum ki

    chhupne wale kaun si chilman mein chhup jata hai tu

    aansuon mein jhilmilata hai tera 'aks-e-jamil

    nur pare dida-e-giryan se barsata hai tu

    subh-dam KHurshid ki zarrin kiran ke bhes mein

    bagh ki doshiza kaliyon ko hansa jata hai tu

    chhanw mein taron ki jab dam toD deti hai nigah

    kahkashan se nind ban-ban kar utar aata hai tu

    jab kabhi lagti hai sawan mein kai din ki jhaDi

    wadi-e-dil mein tajalli ban ke chha jata hai tu

    patti-patti se suna karata hun tera zikr-e-KHair

    subh-dam-nak-e-kHuda kaliyon ko chaTkata hai tu

    TimTimate dekhta hun jab mazaron par charagh

    zindagi mein zindagi ka dard ban jata hai tu

    Dubta hai jab ghane baghon ke pichhe aaftab

    ban ke sannaTa bayabanon pe chha jata hai tu

    jab gulabi chandni karti hai tamir-e-sahar

    surKHiyan ban kar lab-e-baam-e-ufuq aata hai tu

    jab ghane jangal mein chha jate hain baadal har taraf

    har taraf se dil ke armanon ko taDpata hai tu

    us ki bundon se mas ho kar jo aati hai nasim

    nind ke mate junun ko gudguda jata hai tu

    roz lachka kar ufuq par mehar ki pahli kiran

    mere maidan-e-basarat se nikal jata hai tu

    kya meri muztar nigahen hain tere ruKH ki naqab

    band kar leta hun jab aankhen nazar aata hai tu

    su-e-mashriq nur ke chashme ubalte dekh kar

    yaad karata hun tujhe main yaad aa jata hai tu

    ab main samjha tere andaz-e-taghaful ka sabab

    mujh ko dar-parda rumuz-e-'ishq samjhata hai tu

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now