Sufinama

main akela hi nahin bekal tumhaari yaad mein

Ehsan Danish

main akela hi nahin bekal tumhaari yaad mein

Ehsan Danish

MORE BYEhsan Danish

    maiñ akelā nahīñ bekal tumhārī yaad meñ

    hashr barpā ho rahā hai ’ālam-e-ījād meñ

    haañ mirī hastī kabhī thī nāzish-e-husn-e-chaman

    ab to muddat se Thikānā hai kaf-e-sayād meñ

    har rag-o-pai meñ sarāyat kar rahā hai iztirāb

    zindagī raaz paatā huuñ tumhārī yaad meñ

    ik junūñ-parvar jhalak de kar harīm-e-nāz se

    tum ne lākhoñ bijliyāñ bhar diiñ dil-e-nāshād meñ

    khul gayā be-iltifātī mu'amma khul gayā

    lutf duniyā hai pinhāñ parda-e-be-dād meñ

    shab tārīkī meñ ye larzāñ sitāroñ ke hujūm

    gulistāñ pattī-pattī hai kisī yaad meñ

    chāñdnī rātoñ ke sannāTe meñ uf un ḳhayāl

    saikḌoñ mahshar taḌapte haiñ lab-e-fariyād meñ

    nuur ke taḌke meñ jab taare jhukāte haiñ nazar

    ik jahāñ karvaT badaltā hai dil-e-nāshād meñ

    kyā kahūñ 'ehsān' us rañgīñ tasavvur surūr

    baat ye hāsil nahīñ hotī ḳhudā yaad meñ

    main akela hi nahin bekal tumhaari yaad mein

    hashr barpa ho raha hai ’alam-e-ijad mein

    han meri hasti kabhi thi nazish-e-husn-e-chaman

    ab to muddat se Thikana hai kaf-e-sayaad mein

    har rag-o-pai mein sarayat kar raha hai iztirab

    zindagi ka raaz pata hun tumhaari yaad mein

    ek junun-parwar jhalak de kar harim-e-naz se

    tum ne lakhon bijliyan bhar din dil-e-nashad mein

    khul gaya be-iltifati ka mu'amma khul gaya

    lutf ki duniya hai pinhan parda-e-be-dad mein

    shab ki tariki mein ye larzan sitaron ke hujum

    gulistan ki patti-patti hai kisi ki yaad mein

    chandni raaton ke sannaTe mein uf un ka KHayal

    saikDon mahshar taDapte hain lab-e-fariyaad mein

    nur ke taDke mein jab tare jhukate hain nazar

    ek jahan karwaT badalta hai dil-e-nashad mein

    kya kahun 'ehsan' us rangin tasawwur ka surur

    baat ye hasil nahin hoti KHuda ki yaad mein

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now